Најубавиот ден се претвори во кошмар: „Се подготвував да се породам, го бакнав сопругот и почувствував колку е ладен – потоа следеше пекол“
Најсреќниот ден на едно семејство се претвори во трагедија која ќе ги следи до крајот на животот.
Томас Гибсон (40) денес би бил жив доколку лекарите навреме реагирале и би го откриле проблемот преку ЕКГ, но човекот починал на денот кога се родила неговата ќерка.
Единаесет дена подоцна од прегледот, на денот кога Гибсон требало да стане татко, неговата партнерка Ребека Мос се обидела да го разбуди додека се подготвувала да оди во болница на планираниот царски рез.
- Разбуди се, денес е денот за бебето – му рече и го бакна, но го најде вкочанет и ладен.
Г-ѓа Мос се обидела со CPR додека болничарите не пристигнале во нивниот дом во Стретфорд, сепак тој бил прогласен за мртов. Истиот ден ја родила нивната ќерка Харпер.
Да отидеше на процедура која траеше само еден час, денес ќе беше жив
Утврдено е дека г. Гибсон починал од ненадејна срцева смрт поради миокардна фиброза – лузни на срцевиот мускул.
- Единаесет дена претходно г. Гибсон беше во неговата локална болница, која обезбедува специјализирани кардиолошки услуги. Кога клиничкиот тим го процени, тие не видоа дека ЕКГ покажа дека има целосен срцев блок, рече Морис.
Доколку лекарите навреме го виделе тоа, Гибсон ќе бил примен под надзор на кардиолог, ќе се правеле низа тестови кои најверојатно ќе кулминирале со поставување на уред, како што е пејсмејкерот.
– Веројатно со овие мерки ќе се избегнеше неговата смрт – додаде Морис.
„Еден телефонски повик ќе го спасеше“
Во судот, г-ѓа Мос, поддржана од адвокатите од CL Medilaw, кои го застапуваа семејството на сослушувањето, тврдеше дека има сериозни пропусти во грижата откако Том беше примен во болница во 2023 година.
- ЕКГ-то со кое беше идентификуван целосен срцев блок беше игнорирано од лекарите и тој беше отпуштен без да ги знае опасностите од ненадејна срцева смрт. Медицинските работници во последните два дена од рочиштето признаа дека требало да добие третман и пејсмејкер – изјави неговата ужалена сопруга.
– Ми велат дека истрагите не се таму за да барам вина, но имам целосно право да се лутам и да барам одговори за Том, Харпер и нашето семејство – заклучи Мос.
На сослушувањето беше кажано дека г. Гибсон работел во дрвен двор и дека бил физички подготвен, но боледувал од стомачен вирус, вклучувајќи грчеви и дијареја, околу три недели пред неговата смрт.
Ова кулминираше со тоа што тој отиде во собата за итни случаи во болницата Вајтеншоу на 27 мај минатата година.
Тој беше прегледан од д-р Оливер Хендли, кој препозна дека неговото ЕКГ покажува знаци на абнормалност и го упати кај висок медицински службеник, д-р Томас Бул, медицински регистратор, за второ мислење.
Д-р Бул рече дека ЕКГ најверојатно претставува абнормалност што тој го опиша како интравентрикуларен блок, што е „не невообичаено откритие“ и не е клинички „значајно“ без други симптоми поврзани со срцето.
Бидејќи немало други симптоми поврзани со срцето, тој бил отпуштен.
Но, подоцнежната анализа заклучи дека ЕКГ идентификува целосен срцев блок, исто така познат како срцев блок од трет степен – најтежок тип.
Гибсон почина од ненадејна срцева смрт на 7 јуни 2023 година.
Д-р Метју Торнбер, консултант во болницата, рече дека двете земени ЕКГ не се „класични“ примери за тоа како изгледа блокадата на срцето и дека таквата дијагноза бара нијанси и искуство.
