Намалете го стресот и напнатоста со овој краток ритуал

Не е секогаш лесно и можно да се направи релаксирачка купка.

Посебно ако живеете во забрзано темпо, или вашата када е премала. Но, постои начин да уживате во предностите на опуштање без губење многу време, напор и козметички производи. Доволно е да направите релаксирачка купка за стапалата. Потребни ви се 5 минути, неколку чекори и длабоко дишење. Ова е доволно да се ублажи стресот.

Состојки:

-поголем лавор

-морска сол

-масло за тело

-етерично масло по ваш избор

-топла вода

-пилинг за тело

Начин на подготовка:

Ставете ја водата во сад. Нека биде доволно топла за да не се излади премногу брзо. Додајте ja солта, а потоа маслото за тело кое ќе спречи сушење на кожата на нозете. Ако сакате, можете исто така да додадете есенцијално масло. Најдобро е да користите лаванда која ќе ве опушти. Додека нозете се во сад, лесно масирајте ги со пилинг за тело.

Оставете го телефонот на страна, дишете длабоко и уживајте во релаксирачкиот третман.