Ѝ напишав писмо на љубовницата на мојот сопруг: Ми се јави веднаш штом го прочита и еве што ми рече
Наместо со навреди, оваа жена на оригинален начин ѝ се обратила на љубовницата на нејзиниот сопруг
Откако дознала дека нејзиниот сопруг ја изневерил, Емили Фолк ѝ напишала писмо на љубовницата, пишува „Дејли Мејл“. Наместо да ја навреди, таа ѝ се заблагодарила што ја спасила од врската која очигледно немала иднина. Ова е нејзиното писмо:
Прво: Ти благодарам!
Веќе неколку месеци сакам да ѝ напишам писмо на љубовницата на мојот сопруг (сега веќе поранешен). Многупати во главата си замислував што ќе ѝ кажам кога ќе се сретнеме на улица. Ја познавав лично и имавме контакт откако дознав за аферата. Сега сум добро и навистина завршив со мојот брак, па мислам дека конечно сум подготвена да ѝ кажам што мислам и што чувствувам. Еве неколку работи што би сакала да ги знае:
Ти благодарам што ми беше причина
Искрено и од срце сакам да ти се заблагодарам. Да не дознаев за вашата афера, ќе бев заробена во ужасен брак без љубов - во кој се чувствував како да сум помала верзија од себе. Можеби немаше да уживам во мојата работа, мојата нова врска и мојот живот ако не беше. Сè на сè, ти беше причина за многу убави работи во мојот живот.
Жал ми е ако тој се однесува со тебе како што се однесуваше кон мене
Прво, жал ми е ако со разменуваш груби зборови со него како јас. Но, што е најважно, се надевам дека тој се однесува со тебе подобро отколку што се однесуваше кон мене. Знам низ што поминавме јас и другата жена пред мене со него. Сега кога конечно знам кој е и што е, сочувствувам со тебе ако некогаш си била сведок на такво однесување.
Ти заслужуваш подобро
Изгледаш како интелигентна девојка со потенцијал. Верувам дека во овој период од животот се обидуваш да се пронајдеш себеси. Само сакам да знаеш дека заслужуваш многу, многу повеќе! Не е способен да се предаде на никого и верувај ми, со тебе нема да биде поинаку.
Жените треба да се поддржуваат една со друга
Иако ти се заблагодарив за сè, сепак ти замерувам за тоа што ми го направи. Да се има емоционална и физичка врска со нечиј сопруг не е солидарно со другите жени, ниту е фер. Деновиве е доволно тешко да се одржи стабилна врска, замисли како е кога трето лице ќе влезе во приказната. Затоа апелирам да не го правиш ова повеќе на ниту една жена, а се надевам дека нема да ви се случи ни тебе.
Секогаш имаш избор
Во една твоја преписка ми рече: „Со задоволство мирно ќе се повлечам. Се обидов да го избегнам сето ова, но очигледно не доволноо силно“. Факт е дека секогаш си имала избор да донесеш одлука пред сето ова да се случи. Наш избор е како ќе се претставиме пред светот и како ќе се однесуваме. Колку и да „проба“ да се оддалечиш од него, сепак одлучи да бидеш во врска со оженет маж. Преземи одговорност за сопствените избори и одлуки. Се надевам дека во иднина ќе направиш попаметни избори и знај дека твоите одлуки влијаат на животите на другите луѓе.
Знам дека минатото не може да се избрише и дека сите имаме што да научиме од него. Повторно се пронајдов себеси, конечно имам идеја за тоа што вредам. Не можам да се вратам назад и да поправам работи од минатото, можам само да одам напред. Се надевам дека и ти ќе научиш нешто од оваа афера и ќе му пристапиш на животот со поголемо достоинство и самосвест.
По писмото, љубовницата веднаш стапила во контакт со Емили, се сретнале, разговарале и двете решиле да го остават.
Што би направиле вие во оваа ситуација?
