Нема да се примаат деца во градинка и училиште без пополнет вакцинален картон

Добивај вести на Viber

Министерството за здравство останува на ставот дека нема да се примаат деца во градинка ниту во училиште од септември без приложен вакцинален картон, велат од ресорното министерство за Фактор.

Здравствените власти во соработка со Министерството за труд и социјална политика го изменија и Правилникот за упис на деца во градинка. Сега родителите кои сакат да го запишат своето дете во предучилишна установа мора да приложат и пополнет вакцинален картон, со вакцини кои се задолжителни и предвидени според календарот.

Иако во последните шест недели е забалежан континуиран пад на бројот на ново заболени лица со морбили, според министерството нема крај на епидемијата, бидејќи престанок се прогласува откако две недели нема да има ниту еден пријавен случај на заболен од мали сипаници на територијата каде била прогласена епидемијата.