„Никогаш не сум била посреќна“: Се омажила по 2 дена со маж кој го запознала на интернет, но никому не кажала

Девојката вели дека не згрешила, иако луѓето не веруваат дека приказните како нејзината можат да траат.

По само два дена средба на интернет, двајцата се венчаа. Девојката никогаш не била посреќна, верува дека нивната љубов е судбинска.

Девојката има 19 години, а својата љубовна приказна ја раскажа на социјалната мрежа „Редит“. Таа напиша дека го запознала својот сопруг, кој има 20 години, на популарен форум за допишување. Почнале да играат видеоигра заедно, а на крајот тој прашал дали можат да се сретнат и да се запознаат.

„Ние бевме само пријатели кои ја играа играта некое време. Потоа тој побара да се видиме и јас се согласив. Кога се прегрнавме за прв пат, се почувствував блиска со него, но тоа не беше причината поради која се заљубив во него“, напиша девојката.

Таа раскажа како го поминале денот заедно и разговарале на различни теми. „Му реков: „Посакувам да се омажам за човек како тебе“, а тој ми рече: „Навистина?! Сакаш да се омажиш за мене? и тој скокна за да купи прстен следното утро, никогаш не сум се чувствувала толку добро, тој ни купи и куќа“, се довери девојката.

Таа никому не кажала

Девојката од страв да не ја осудат дека избрзала со одлуката да стапи во брак, никому не кажала дека тие двајца се венчале. Таа е загрижена и за нејзината баба. „Имам 19 години и таа ме воспитува од 13 кога почина мајка ми и навистина ме заштитува, многу се грижи. Го сака мојот сопруг, се согласуваат, но таа уште не знае дека сме во брак. Има проблем со срцето и се плашам дека ќе ја шокирам и ќе предизвикам срцев удар“, признава девојката.

Под нејзината приказна многу луѓе пишуваа коментари, некои сериозни, други се шегуваа. „Не мора да се грижите дали ќе излезете од фазата на меден месец ако никогаш не сте го имале“, се пошегува една жена. Друг напиша: „Одличен животен трик“. Некои луѓе напишаа дека се надеваат дека се шегува. Девојката објаснила дека не се шегува, дека навистина се венчале по кратко познанство и дека уживаат во љубовта.