ОД ДЕНЕСКА НА ДОМАШНО ЛЕКУВАЊЕ ОДАТ 16 ПАЦИЕНТИ: Се подготвува враќање на осуммина кои се лекуваат во странство

Добивај вести на Viber

Министерот за здравство, Арбен Таравари по денешниот состанок на Кризниот штаб соопшти дека 46 пациенти се лекуваат во скопските болници од кои 30 се хоспитализирани во клиниките „Мајка Тереза“, 10 има во ГОБ „8-ми Септември“, и шест се во старата градска болница – Универзитетска болница за хируршки болести.

Таравари посебно нагласи дека добрата вест е што од денеска на домашно лекување ќе бидат пратени 16 пациенти откако ќе им бидат направени сите токсиколошки и психолошки испитувања, а најави и враќање во болниците во земјава на осуммина пациенти кои се на лекување во странство.