Ова се најтажните стихови кои ги пее цел регион: За Милица од Крушевац која избегала од петмина силувачи со скокање од 11-ти кат, се роди песна која ја отпеа Здравко Чолиќ
Легендарната Марина Туцаковиќ ги напиша најпознатите песни на југословенската и балканската музичка сцена. Таа со својата работа ја обликуваше историјата на музиката во овој регион. Една песна, чиј автор е таа, ја носи нејзината најголема болка.
„Песната ја напишав во најтешкиот период од мојот живот, кога го загубив синот. Долго размислував кој може да ги пренесе овие силни емоции на публиката, а потоа изборот падна на Ана Николиќ“, изјави Марина Туцаковиќ за песната „Mišu moj“ која ја посвети на нејзиниот покоен син Миша.
Милош Радуловиќ почина на 1 декември 2008 година.
„Влегов во неговата соба и го најдов тоа што го најдов. Во тоа време Милош имаше 24 години. Тоа беше на први декември. Секогаш се плашев дека нешто ќе му се случи. Вашето дете оди на екскурзија, а вие се плашите за тоа како ќе дојде. Секогаш имате страв за луѓето што ги сакате, тој беше толку весел, што навистина не можев да имам лошо чувство за тоа. Тоа секако не го очекував. Тој ден требаше да бидам дел од жирито на една емисија. Тоа беше момент на лудио и трезвеност“.
„Милош едноставно не се разбуди. Напладне беше здрав и добобар, се беше нормално. Стана да се напие вода, и ми рече да го разбудам после четири за да оди на фризер и да се спреми за диско навечер. Меѓутоа, кога влегов во собата да го разбудам, го најдов неподвижен. Неговите прсти веќе беа сини. Не знам што се случило... Не знам дали има нешто полошо од тоа да го најдеш твоето дете како лежи неподвижно во кревет“.
„Не сакав да ги видам резултатите од обдукцијата. Што значи тоа за мене? Дали беше срцето, дали нешто земал... Што е важно. Мене тоа не ми е важно. Бев со тие деца 24 часа. Имаа се, јас се грижев, но општеството ги повлече... Ако некој беше со тие деца, особено со Милош во тие ситуации, тогаш тоа бев јас. По неговата смрт не работев неколку месеци. Имав поддршка, музиката ми беше во крвта и морав...“, изјави еднаш познатата Марина Туцаковиќ.
„Bacila je sve niz rijeku“
Хитот на Индекси ја разбуди трагичната љубов меѓу Даворин Поповиќ и непозната девојка од Сараево. Се разделиле кога таа останала бремена, а не планирале да станат родители. Абортирала и исчезнала од неговиот живот. Неколку децении подоцна ја забележал во публиката на концерт во Шведска, го прекинал концертот и залудно ја барал. Композитор на песната е Фадил Реџиќ, а текстот го напишал Кемал Монтено.
„Тamara“
Пејачот Борис Новковиќ ја изведе оваа песна во знак на сочувство за својата пријателка која ја сакаше Тамара, која не можеше да ја преболи по раскинувањето и долго време пател за неа.
Новковиќ еднаш изјави дека девојката се препознала во песната и набргу по промоцијата оставила порака на неговата телефонска секретарка во која му се заблагодарува што ѝ го посветил текстот.
„Nedelja“
„Рефренот на песната „Nedelja“ е моја вина, на Марина Туцаковиќ и ја раскажав мојата приказна од воспитно-поправниот дом. Како мал кога бев добар ми даваа дозвола да си одам дома, а ако не бев, останував во домот. Таа „Nedelja“ зборува за мене, кога не добив дозвола да излезам, а Марина го напиша рефренот за десет минути“, изјави познатиот Џеј Рамадановски во 2017 година во емисија за тоа како настанала оваа песна.
„Svatovi“
Песната ја отпеа Весна Змијанац и беше еден од најголемите хитови во деведесеттите. Зад неа се крие трагедија. Невестата, која била бремена, отишла на свадбена проба заедно со младоженецот. Младенците доживеале сообраќајна несреќа во која загинале. Песната е посветена токму на нив.
„Tu noć kad si se udavala“
Прљаво Казалиште песната ја посвети на членот на бендот Јасенко Хора и неговата поранешна девојка, која му ветила дека ќе го чека од војската, по служењето на војската, тој се вратил дома и отишол на свирка која всушност била свадбата на неговата поранешна со друг маж.
„Ostani đubre do kraja“
Оваа култна песна Бора Ѓорѓевиќ и ја посвети на една од најпознатите југословенски манекенки Билјана Невајда Шевиќ. Тие беа во врска шест месеци, а потоа Билјана решила да се пресели во Сараево.
А хитот „Dva dinara druže“ била почит на таа љубов.
„Ona zna“
Песната ја пее Здравко Чолиќ, а таа е почит на Милица Костиќ, студентка на Медицинскиот факултет, која на 2 септември 1974 година на 18-годишна возраст се самоубила скокајќи од 11 кат на кулата Рубин во Крушевац откако пет млади момчиња се обиделе да ја силуваат.
Милица била измамена ја однеле на 11-ти кат од зградата, наводно била повикана како девојка на едно од момчињата, а всушност сакале да ја силуваат. Милица на сите начини се обидувала да избега од момчињата. Несреќната девојка во несвест била пренесена во болница со неа во болница разговарал инспекторот Добривоје Стефановиќ.
„Имаше пеги на лицето. Лежеше на грб, а за време на разговорот повремено ги отвораше очите и губеше свест. Во тој момент на лицето немало отоци или повреди. Докторот ми кажа дека има внатрешни повреди. Имаше празен поглед. Нејзиниот говор беше нејасен - таа едвај зборуваше и го прекина. Имаше плашлив глас - како срна. Немаше сила да плаче од болка. Тоа остави впечаток на последна воздишка. Рече: „Сама скокнав низ прозорецот. Не можев повеќе да издржам... Само така можев да си ја спасам честа“.
Фото: Freepik.com
Извор: Zena.blic.rs
