Парализа, срцев удар, рак: Љубовна приказна со најтажен крај, синот на актерската двојка остана сираче на 13. години

Добивај вести на Viber

Љубовната приказна на американски актерски пар е една од најубавите, а воедно и најтажните, бидејќи и двајцата прерано го напуштија овој свет.

Американскиот актер, режисер и сценарист Кристофер Рив, кој е запаметен по улогата на Супермен, почина во 2004 година од срцев удар. Тој претходно беше парализиран со години поради повреда на 'рбетниот столб откако падна од коњ на натпревар во јавање во 1995 година. Две години по неговата смрт почина и неговата сопруга, актерката Дана Рив.

Кристофер, кој се прослави со улогата на Супермен, ја забележа својата колешка на сцената кога таа имаше 26 години, а тој 35.

„Бев дел од кабаре доцна во ноќта каде настапија актерите. Ја пеев „Музиката што ме тера да танцувам" и кога слегов од сцената, еден пријател кој седеше покрај Кристофер и рече:

„Сега ја знам дефиницијата за молња“, рече Дана.

Иако актерот се вљубил во неа на прв поглед, му требало време да ја придобие и да ја шармира.

Поминало време додека парот да го рече судбоносно да, а Дана била таа што навистина сакала да размени брачни завети. Кристофер не верувал во брак. Нивните семејства биле сосема спротивни. Неговите родители се развеле, потоа повторно се венчале, по што имале уште деца. Од друга страна, родителите на Дана биле во брак 45 години.

"Таа му рече дека е најдобро да раскинат. Тој ја одбил и ја молел да одат на терапија за таа да се ослободи од стравот од брак", изјави Кристофер Андерсон, човекот кој ја напиша книгата "Некаде во рајот" за парот.

Дана наскоро останала бремена и по среќната вест дека ќе станат родители, ја крунисале својата четиригодишна врска со брак во 1992 година. Тие во јуни истата година го добиле синот Вилијам. Сепак, само три години подоцна, парот се соочил со голема трагедија.

Имено, актерот бил голем љубител на јавањето. Неговата љубов кон коњите се родила во 80-тите, кога морал да го совлада и научи јавањето за потребите на филмот за Ана Каренина.
Сепак, тој започнал да јава во слободно време, па учествувал и на натпревари.

На 27 мај 1995 година, конкуренцијата во Вирџинија беше кобна за актерот.

Имено, неговиот коњ Бук нагло застанал пред една од пречките и го исфрлил од седлото, а тој ја удрил главата на земја. Шлемот спречил повреда на мозокот, но 'рбетниот мозок пукнал.

Лекарите го поврзаале черепот на актерот со остатокот од телото со метална шипка од титаниум, а актерот останал парализиран од вратот надолу и не можел да дише без апарат. Останал во инвалидска количка.

Кога се разбудил од бесознание по страшната несреќа, тој не сакал да продолжи со својот живот.

„Мислев дека можеби мојот живот не вреди за туѓи маки. Можеби треба да го напуштам овој свет. Но, тогаш Дана ми рече: „Ти си сепак ти и јас те сакам "", изјави актерот во 1995 година.

Му било навистина тешко бидејќи бил тип на човек кој знаел да стане рано наутро и спонтано да одлучи да лета со авион или да игра тенис. Но, по несреќата тој не можел да чувствува ништо.

Андерсон откри во книгата за Дана и Кростофер и дека актерката успеала да го убеди својот сакан да продолжи со животот, предлагајќи му договор.

„Издржи најмалку две години и ако се чувствуваш вака и после тоа, повторно ќе ја разгледаме твојата желба“, му ветила таа.

Двојката нашла мотивација во хуманитарната работа и јавното поддржување на сите лица кои се соочуваат со попреченост.

Тие собирале донации за да најдат лек за парализа, а Кристофер велеше дека научил да ги цени моментите со сопругата и синот уште повеќе.

Актерот почина на 10 ноември 2004 година од срцев удар на 53-годишна возраст.

Две години подоцна, на 6 март 2006 година, Дана почина од рак на белите дробови, неколку дена пред нејзиниот 45-ти роденден. Така нивниот син Вилијам остана сирак на 13-годишна возраст.

Денес, по нивните стапки тргна 28-годишникот, син на покојната актерска двојка.

Тој глумеше во неколку серии и филмови, но не постигна забележителни улоги и успеси. Тој работи како репортер за американската телевизија АБЦ.

Тој има полубрат, филмски продуцент Метју (41) и полусестра Александра (37), кои неговиот покоен татко ги доби со поранешната партнерка Гае Екстон.

По смртта на неговите родители, Вилијам продолжи да ја води хуманитарната фондација „Кристофер и Дана Рив“, која е посветена на истражување на повреди на 'рбетот и подобрување на животот на поединците и семејствата кои се соочуваат со парализа.