Почина мајката на Сања Маринковиќ: Водителката на снимање на емисија ја соопшти трагичната вест - „Знаевме дека нема лек“

Добивај вести на Viber

По кратко и тешко боледување денеска почина мајката на водителката Сања Маринковиќ.

За време на снимањето на емисијата „Магазин ин“ Сања Маринковиќ ја добила шокантна вест, а неутешната водителка се огласи за ова.

- Им благодарам на моите пријатели, колеги и на сите кои беа со мене во изминатите недели и ги разбраа тешките моменти низ кои поминував. Се трудев да работам и да живеам што повеќе, бидејќи борбата за здравјето на мајка ми беше многу тешка и знаевме дека нема лек и сите секогаш веруваме во чуда – изјави таа за „Пинк“.

Да потсетиме, Сања во една пригода истакна дека по смртта на нејзиниот татко, нејзиниот брат и бил нејзин најголем поддржувач.

- Тој е само една година помлад од мене и морам да ви кажам дека е многу поуспешен од мене. Брат ми е одличен пример за мене, а тој ми е голема поддршка и во него го гледам најубавото нешто. Сега ќе се расплачам, но тој е многу, многу поуспешен од мене и исклучително ми е драго што го имам. И многу ми е драго што го спасив од сета оваа јавност – изјави тогаш таа за „Курир“ и додаде:

- Татко ми ненадејно почина и тогаш некако брат ми сега ми е се. И не е единствениот, имам уште еден брат и сестра кои многу ми помагаат. Но, не е лесно кога одеднаш ќе го изгубиш татко ти на некоја зрела старост, тој исчезна за само три месеци.