Погледнете што прават децата на Данците на детски игралишта и запрашајте се каде живееме
Најкреативните игралишта.
Ели Овенс е Американка која на својот Инстаграм профил редовно објавува како изгледа нејзиниот живот во Данска со нејзиниот сопруг и нивните три деца. Таа речиси започна серија за детските игралишта во Копенхаген, кои се тотално спротивно од сè што имаме во Македонија.
„Посакувам да одев на мини сообраќајно игралиште кога растев! Данска ги има најдобрите игралишта“, стои во описот на нејзиното видео.
Ваквите игралишта беа направени така што децата од мали нозе ги учат сообраќајните правила преку игра.
Копенхаген е познат по големиот број детски игралишта во парковите и на многу градски плоштади. Бидејќи многу луѓе живеат во центарот на градот, игралиштата им се многу важни и секој простор е максимално искористен.
Родителите, откако ќе ги земат децата од училиште, барем малку време поминуваат на игралиштата пред да се вратат дома, а повеќето од нив кои се поврзани со училишта и градинки можат да се користат и за викенди.
Секое игралиште е дизајнирано различно и направено за многу возрасти - има многу паркови за скејтборд и карпи за качување за тинејџери, како и опрема за вежбање што возрасните можат да ги користат, па без разлика колку големо дете сте, има на што да играте.
Игралиштата имаат куќички за играчки, лизгалки, метални велосипеди за деца и многу креативни игри кои ги едуцираат децата на забавен начин.
Јас сум психолог во најсреќната земја во светот: Три работи што не ги правиме никогаш
