Порано на 40 степени во кола без клима се одеше на одмор, денес со чартер летови и пак не сте среќни: Брутален статус на Божидар Божиновски

Добивај вести на Viber

Брутален статус на Божидар Божиновски

Божидар Божиновски кој е познат и под севдонимот Моџо Килингтон е еден од најчестите гласноговорници на социјалните мрежи за многу општествено-социјални теми. А овој пат тој се осврна на одморите, односно напиша неколку редови за тоа како се одеше на годишен одмор на времето и како се оди сега, а заклучокот на крајот од статусот е она кое ќе ве замисли.

Неговата објава ви ја пренесуваме во целост:

„Одмор на времето:
- Грција санкции, Јадранско војна, Албанија нема да се капиш во бункери, а за подалеку тешко. Со авион имаа летано само Глигоров, Тупурковски и уште двајца пилоти шо прскаа ниви во овчеполието. Значи ти останува Крани, Претор, Охрид и Струга
- Се спремате за 7 минути оти сите имате по едни купачи, нешто за носење таа една вечер шо ќе одите во ресторан, гуми за пливање да се вратите сите деца на број.
- Одморот е сј*бан уште ко ќе влезете в кола. 40 степени во кола без клима и климаво семејство шо треба да патува. Дур да стигните твоите три пати се развеле, четири пати пак ги повториле брачните завети, вие назад сте дехидрирани од топло, плачење, пот
- Во собата има кревети. И толку. Нема интернет, телевизија за ку*ац ти е и онака само прва програма и втора на етничките заедници ама и не ти треба повеќе. До крајот на одморот ѕидот ќе изгледа ко слика од Полок од тепање комарци
- Водата првите пет метра е ко од лабораторија да истуриле урина собирана еден месец. Сите деца голи, мочаат во плиткото, понатаму тиња. Дремиш четири сати во моч дур не те удри сунчаница. Мајка ти му се лути на татко ти шо гледа други
- 9 од 10 вечери изгледаш ко лебче (ваљда брускети е на јазикот во 2019-та). Је*еш крема за сончање, те мачкаат со кисело млеко. Поске можиш и попара да напрајш од то ама е гадно.
- Единствен коктел шо ќе го пробаш е Кока Кола и Фанта ко ќе влезиш на свадба шо се одржува во ресторанот.
- Си менувате броеви со фамилијата од Пехчево шо ви е во близина и шо татко ти и татко им цело време пијат и некогаш не се слушате повеќе.
- После одморот никој со никого не зборува месец дена, да потраеше уште три дена повеќе ќе беше распад на семејството.
- Имате три слики од то. Сите потегнато на плажа, кај шо мочаш во плиткото и уште една шо не се познава оти е осветлен филмот.
Одмор сега:
- Има евтин чартер за Маурициус со цена од само еден бубрег со камен, 14 ноќевања. Обично на овие дестинации одат оние што не ни знаат да го изговорат Маурициус
- Спремањето почнува месец дена претходно. Се разбира, прво скриншат од уплатеното, филинг хепи. Менување кавер wanderlust, статуси “Патувајќи по светот не го запознав светот, туку себе”. Купачи 18 пара по глава на турист, нема на Инстаграм секој ден со истите. Телефон, тука, полнач тука. Таблет тука, полнач тука. Од 327 ситници ќе заборавиш 11 и баш тие ќе ти требаат.
- Одморот е “значи како да ти кажам, совршен”. Собата има клима, телевизор со катаљон програми, интернет, топла вода, ладна вода, млака вода, кинг сајзд бед.
- Правиш 2743 слики, дневно. Коктел “Се*с на плажа”, коктел “Пуше*е на плажа”, коктел “И пукнав само три прсти на плажа”, коктел “Онака, само се фаќавме на плажа”, сламен шешир цело време, сколиоза и кифоза за да не се познава стомакот, а да се видат тетоважите. Одморот оди и со лајф стрим за фановите.
- Веројатно до овде се изморивте од читање, шо ве е*ам јас ќе пишам вие како сакате.
- Не влегуваш во море, цело време дремиш во базенот на 4 метра од морето и никој не моча во него.
- Ако си ол инклузив доаѓаш со 8 килограми плус и болест на желудник од преждеравање.
- Се враќаш овде и “И значи не ти се верува човече која сељачаана сме ние, јас ко бев на Маурициус да ти кажам...” ти е цела година муабет.
- Пак не сте среќни!“.

Под објавата на Божиновски навалија коментарите со дополнување од спомените од одморите од времето.

Фото: Твитер - screentshoot/Женски магазин