Посен и брз рецепт: Неверојатно вкусни шпагети во црвен сос и маслинки
За некој ден завршуваат божиќните пости, па токму затоа ви носиме интересен посен рецепт за сос за паста, или во нашиот случај, шпагети во црвен сос и маслинки.
Вкусни, брзи и лесни за подготовка.
Потребни намирници:
- едно пакетче шпагети (или паста по ваш избор - посна)
- една средна главица кромид
- 2-3 чешниња лук
- 2 морковчиња
- 1 тиквичка
- 1 домашна салса (доколку немате можеедна конзерва пелати)
- 3-4 мали лажици доматно пире
- сол
- црн бибер
- оригано
- малку шеќер
- маслинки
Начин на подготовка:
Сварете ги шпагетите (или пастата која ја сакате) по упатствата кои ги пишува на опаковката, измијте ги и ставете ги настрана.
Кромидот и лукот исечкете ги на ситни коцкички, а морковот и тиквичката изрендете ги. Во тавче подлабоко на среден оган ставете малку масло за готвење (можете и маслиново) и ставетего да сепропржи прво кромидот, по 1-2 минути додадете го и лукчето, а потоа и морковот кој се пропржува поубаво, а на крај и тиквичката. Откако ќе се пробржат убаво додадете ја салсата или конзервата палети, промешајте убаво и вкусете, доколку е малку киселко (поради салста или пелатите) додадете малку шеќер.
Потоа додадете 3-4 лажици доматно пире и останатите зачини, по ваша желба. Нека се прокрчка уште некоја минутка, сервирајте и за подобар вкус и декорација додадете маслинки.
Бон апетит!
Фото: unsplash
