Последното видео од турскиот пејач Волкан Конак, пред да почине на сцената за време на концертот во Кипар (ВИДЕО)

Добивај вести на Viber

Турскиот пејач Волкан Конак почина откако му се слоши и паднана сцената за време на концерт на Кипар, а сега се појавуваат и снимките од овој настап.

На социјалните мрежи се појавуваат и снимки од настанот, а публиката се простува од познатиот турски пејач Волкан Конак.

Со возило на брза помош бил пренесен во државната болница Газимагуса во 00:17 часот по локално време. И покрај сите лекарски напори, констатирана е смрт во 00:42 часот. Оваа вест ја потврдија од Министерството за здравство, пренесуваат медиумите.

„Изгубивме храбар, карактерен човек, вистински уметник, патриот. Почивај во мир“, се вели во видеото на пејачот.

Смртта на пејачот  ја потврди градоначалникот на Анкара, Мансур Јавас.

„Почина „Синот на северот“ Волкан Конак. Неговиот моќен глас ги допре нашите срца, неговите песни кои го донесоа бунтовниот ветар на Црното Море сега ќе живеат во нашите сеќавања. Тој не беше само уметник. Тој беше гласот, срцето и пријателот на овие земји. Нека Господ го помилува, сочувство до неговите најблиски“, напиша тој.

Од Државната болница Магуса се чека целосен извештај за причините за смртта.

Засега не се објавени повеќе детали во врска со состојбата на Конак или како се одвивла концертот.

Волкан Конак е турски фолк пејач. Неговата песна „Cerrahpaşa“ доживеа голем успех и неговиот албум Mora, издаден во 2006 година, беше награден со златна плакета од турското здружение на продуценти на снимање, MÜ-YAP.