ПОЗНАТИ МАКЕДОНСКИ ДВОЈКИ (4): Како се запознале?
Нова тура љубовни приказни. Почетоците се најсимпатичниот дел од секоја врска, а овојпат наш избор се првите средби на Надица и Иво, Драгана и Брејк и на Светлана и Мики Црнокрак
Надица Георгиева и Иво Јанковски
Важат за една од најусогласените двојки на домашната јавна сцена. Во една прилика Надица изјави дека бракот со Иво е најубавото нешто што ѝ се случило на љубовен план. Се запознале пред скоро две децении, набргу по нејзиното враќање од Виена.
- Еден период бевме и комшии. Подоцна работевме и на неколку заеднички проекти, така што јас и Иво многу добро се знаеме–откри Георгиева.
Драгана Клопчевска и Дарко Гелев-Брејк
Поранешната „Мис на Македонија“ сега е успешна жена претприемач и ретко дава интервјуа, но во една прилика откри како се запознале со популарниот пејач, автор и бизнисмен. Дарко е прв братучед на нејзин школски другар и одамна се познавале. После многу години се виделе повторно, почнале да излегуваат на кафе и со тек на времето сфатиле дека се создадени еден за друг.
Светлана и Мики Црнокрак
Минатата година прославија дваесет години брак. Се запознале на модна ревија во Битола, една и пол година пред свадбата.
- Ни се случи љубов на прв поглед. На почетокот на љубовта, ништо не ни пречеше еден кај друг, а и сега по две децении се навикнавме и се адаптиравме на сè, па дури и на тоа што можеби ни пречело–раскажа Светлана за „Женски Магазин“.
Подготви: Ѓорге Стојанов
