Пред огледало со Валери Димовска: Надворешната убавина е само привлечна, карактерот и манирите се пресудни
Младата пејачка Валери Димовска од Велес е девојка која секогаш внимава на својот изглед, а во оваа прилика пред огледалото на Женски Магазин ги раскажа своите ритуали за убавина, како и ни откри како изгледала за својата матурска прослава.
* Каков е Вашиот дневен козметички ритуал?
- Немам посебен козметички ритуал, но нешто што можам да издвојам е поминување на лицето со мраз.
* Со какви препарати го негувате лицето?
- Бидејќи имам многу чувствителна кожа, избегнувам да користам многу препарати на моето лице. Секогаш го мијам лицето со сапун и потоа нанесувам универзален крем „Здраве" преку ден, а пред легнување нанесувам витамин Ц серум.
* Посетувате ли козметички салони?
- Многу ретко.
* Кои производи ги употребувате за нега на коса?
- Garnier,Botanic Therapy\ Honey Treasures, Garnier,Botanic Therapy\ Hair Remedy Mask, и Trend Up\ Prickly Pear Oil.
* Што сакате да прикриете, а што да истакнете со шминка?
- Најчесто прикривам некои мали флеки,но не ставам премногу пудра или други производи. Ги истакнувам моите очи, со тенок ајлајнер и маскара.
* Кои се Вашите омилени козметички производи?
- Lancôme Lash Idôle маскара, s-he водоотпорен ајлајнер, MAYBELLINE AFFINITONE пудра и Revolution Highlighter.
* Што носите секогаш во Вашиот несесер?
- Маскара, лабело и хајлајтер.
* Омилен парфем?
- LANCOME La Vie Est Belle.
* Како ја одржувате линијата?
- Внимавам на исхраната, но не со цел за да не качам килограми, туку со цел за здрав живот и повеќе енергија. Вежбам во теретана и трчам.
* Како би се опишале себе си? Што е она што Ве движи напред?
- Себеси се сметам за амбициозна особа, сакам креативни работи. Она што ме движи напред е вербата во себе и дисциплината.
* Дали надворешната убавина е пресудна за оставење на прв впечаток?
- Надворешната убавина е само привлечна, карактерот и манирите се пресудни.
* На која дама ѝ се восхитувате и зошто?
- Не сум сигурна, но Алиша Кис ми беше идол на почетокот на мојата кариера.
* Каква треба да е современата жена?
- Секоја жена има различни цели, но мислам дека секоја треба да биде амбициозна и со добри манири.
* Како изгледавте како матурантка, дали бевте од оние кои трошат многу време и пари за таа модна комбинација, или пак не се грижевте толку околу тоа?
- За жал немам фотографија, но еве ќе се потрудам да ви претставам убаво. Носев бело здолниште, корсет и бело сако. Не се замарав премногу, знаев само дека сакам стилот да ми биде како во 90-тите.
* Што би носеле денеска ако сте матурантка, дали би биле по последен тренд , што совет би им дале на младите девојки?
- Не би трошела премногу време, но би се потрудила да изгледам различно од класичниот стил, на пример - фустан, бидејќи има многу различни идеи со кој можеш да изгледам кул. Денешните матурантки би ги советувала да бидат свои и да носат тоа што им прилега најмногу, едноставно да уживаат во денот.
* Д.Караташова Илиоска
