Пријавувањето за HalkEcoСкопје Трча 10КМ заврши!
На 8 мај 2022 ќе се одржи уличната трка HALKECO СКОПЈЕ ТРЧА 10КМ.
Организатор на трката е Сојузот на спортови на Скопје (кој е организатор на Виз
Ер Скопски Маратон и Авицена Женска Трка), во соработка со А.К.Работнички.
Насловен спонзор на HALKECO СКОПЈЕ ТРЧА 10КМ е HalkBanka, а покровители
Агенцијата за Млади и спорт и Град Скопје.
Бројката од 1300 учесници, на која е лимитирана оваа трка, е веќе пополнета.Оваа бројка на пријавени учесници е уште еден доказдека граѓаните се грижат за своето здравје, истовремено истакнувајќи го својот натпреварувачки дух.
Подетални информации околу трката, натпреварувачите можат да најдат на официјалната страна на HalkEcoСкопје Трча 10КМ www.skopje.run.
Патеката на движење: Стартот на трката е во 09.00 часот пред фонтана „Лотос“, се трча во правец кон Карпош 4 до крај на Бул. Илинден и се врти лево за да се излезе на улицата „Никола Парапунов“. Потоа се трча до крај на улицата каде на семфорите се врти десно и се излегува на Бул. Партизански Одреди. Од тука се трча до мостот „Влајко“ каде се врти полукружно и во истата коловозна лента се трча до семафорите пред „Сити Мол“. Се продолжува полукружно во истата коловозна лента и се трча по Бул. Партизански Одреди до вкрстувањето со улицата „Никола Парапунов“, каде се врти десно.Од улицата „Никола Парапунов“, се трча до крај, па се врти десно на Бул. Илинден сѐ до целта кај фонтаната „Лотос“.
Ги покануваме сите љубители на спортот да излезат и да дадат поддршка на натпреварувачите.
ПР објава
