Добивај вести на Viber

Продолжуваме да споделуваме со вас предлог рецепти за посен ручек, имајќи предвид дека се Велигденски пости, кои траат 48 дена.

Постот е идеално време да се заборават пекарите, супермаркетите, готовите и спакувани (прочитајте нездрави) производи и да се свртиме кон старите домашни рецепти. Токму затоа Женски магазин, ќе ви понуди посни рецепти, кои веруваме ќе ви помогнат во деновите кога едноставно немате идеа што да зготвите а да биде посно.

Денес предлагаме да направите ослич со зеленчук.

Состојки:

-600 гр ослич филети ,

-4 големи домати,

-4 главици кромид,

-4 лажици маслиново масло,

-2 лажици сецкан свеж магдонос,

-сол,

-пипер

Подготовка: 

Загрејте ја рерната на 200 степени. Измијте ги доматите и исечете ги тркалца.

Излупете го кромидот и исечете го на тенки парчиња. 

Распоредете ги доматите и кромидот на дното на огноотпорнен сад и наредете ги филетите од ослич над зеленчукот. Намачкајте со масло, сол и бибер по желба и печете 30-40 минути. Непосредно пред сервирање, додадете сецкан магдонос. Послужете со варен компир.

Пријатен ручек.

Foto: Ilustracija - Freepik.com

Прочитајте ги и овие рецепти за Велигденските пости:

(РЕЦЕПТ) Ароматичен ѓувеч со зеленчук: Што да јадете за Велигденските пости

(РЕЦЕПТ) Највкусното посно гравче од манастирот Хиландар: Што да јадете за Велигденските пости