РОДИТЕЛИ ВНИМАВАЈТЕ: Семејните кавги ги разболуваат децата
Семејните скандали, разводи, насилство или алкохолизам чувствително го зголемуваат ризикот од астма кај децата, открија научниците од Американскиот колеџ за алергија, астма и имунологија, кои анкетирале родители на 92 000 деца на возраст од неколку месеци до 17-годишна возраст.
Факторите на ризик се исто така затворски казни, ментални нарушувања и смрт на еден од членовите на семејството. Секој од овие фактори го зголемува ризикот од астма за 28%, а пет или повеќе фактори поврзани со семејни проблеми двојно го зголемуваат ризикот.
Меѓу оние кои учествувале во студијата, 31% имале барем еден од негативните семејни фактори. Најчестите проблеми, меѓу кои се наоѓаат и астматичните деца, се разводите и разделбите на родители придружени со кавги и скандали.
Ако астматичните деца изложени на семејни проблеми биле околу 35%, децата кои страдаат од астма, но без негативните фактори, биле многу помалку - 10 проценти.
Според авторите на студијата, родителите треба да бидат многу внимателни со своето однесување пред децата и да прават се да не ги изложуваат на таков ризик. Кај најмалите, врската помеѓу емоциите и физичката состојба е многу силна и нивното тело често реагира на тензијата со алергиски, астматични или автоимуни проблеми.
