Сè повеќе жени пијат таблети за одложување на менструацијата поради летните одмори: Гинеколог открива дали е опасно
Покрај основните работи за патување, најважната работа за девојките и жените е датумот на започнување на менструација, затоа што сакаат да го избегнат циклусот, особено ако одат на море. Меѓутоа, што се случува кога е невозможно да се помести одморот, а циклусот е неизбежен? Девојките/жените често одлучуваат да ја одложат менструацијата.
Постојат два начина да го одложите циклусот: апчиња за контрацепција и апчиња што содржат хормони.
Апчиња за контрацепција главно се користат за да се спречи зачнувањето, но може да се користат и за одложување на циклусот. Кога ќе престанеме да ги пиеме, крварењето се враќа по неколку дена и трае колку и менструацијата.
Кога станува збор за апчиња за хормони, тие се земаат онолку дена колку што сакаме да го одложиме циклусот. Во рок од 2-3 дена по прекинувањето на земањето на таблетите, циклусот ќе започне нормално. Крварењето што се јавува по одложувањето на циклусот не е класична менструација, туку нешто слично.
Бидејќи се повеќе девојки го одложуваат циклусот поради летните одмори, а нивните мајки се загрижени, дознаваме од гинеколог колку е навистина штетно намерното доцнење на циклус за здравјето.
- Во денешно време одложувањето е многу вообичаено. Се повеќе жени ми се јавуваат со потреба од одолговлекување на циклус, но за жените во години, одложувањето не е закана за здравјето - изјавува гинекологот др. Мима Фазаглиќ.
Но, д-р Фазаглиќ нагласи дека и се повеќе млади девојки ги бараат овие апчиња, нешто што таа не би го препорачала.
- Мајките носат девојки на возраст од 12-13 години за да ја одложат менструацијата со хормонски таблети, но искрено јас воопшто не го препорачувам тоа - рече таа.
извор:zena.blic.rs
