САКАТЕ ДА ПАТУВАТЕ ВО ПРОЛЕТ: Eве ви идеи за дестинации
Зошто да не си дозволите патување и во пролет? Ако барате уметност и култура, авантури или храна и вино, денес ви прикажуваме 6 прекрасни дестинации кои можете да ги имате предвид за пролетното патување.
Можете да ја посетите Будимпешта во Унгарија. Тука ќе видите средновековни замоци, нови згради и синџирот мостови на реката Дунав. Во почетокот на април, како што се зголемуваат температурите, се создаваат совршени временски услови за истражување на градот пеш, качување по замокот Буда, посета на термалните бањи и пиење прекрасно вино. Се прашувате кој е најдобриот дел од сето ова? Можете да пронајдете многу евтини работи.
Осака, третиот по големина град во Јапонија, го заслужува вниманието на посетителите, особено за оние кои обожаваат храна. Пред сѐ, Осака е главниот кулинарски град во Јапонија каде што можете да најдете различни специјалитети во ресторани или пак храна на улица. Не пропуштајте да го посетите пазарот Куромон Ичиба, каде готвачите од Осака купуваат состојки.
За долината Дуоро во Португалија може да се каже дека е најпотценуваниот вински регион во светот. Се наоѓа во северниот дел на Португалија и е оддалечена само еден час источно од Порто – а се протега неколку километри низ бујни лозја. Во јули и август, топлите и суви временски услови може да бидат неподносливи, но затоа пролетта е прекрасна. Овде можете да дегустирате и да уживате во вкусот на различни вина.
