„Се обидов да си го одземам животот со апчиња“: Животот на Тереза Кесовија го одбележаа три трагедии, а само еднаш зборуваше за најтешкиот момент
Пејачката Тереза Кесовија е на јавната сцена веќе 50
години, а нејзината животна приказна е полна со болка. Нејзината мајка починала само шест месеци
откако ја родила, а вистинската причина за смртта никогаш не била откриена.
Тереза го запознала својот прв сопруг Мира Унгар додека студирала на Академијата за музика, а подоцна со него го добила и синот Алан.
Откако се разведе од првиот сопруг, таа повторно се омажи за ватерполистот Роналд Лопати, со кој имаше бурна љубовна врска.
Најмногу ја погодила загубата на братот во 1974 година кој трагично загина во сообраќајна несреќа, додека таа снимаше спот во Германија. Набргу потоа починала и нејзината маќеа Јела, која ја сакала како мајка.
За жал, трагедиите тука не завршиле, пејачката дознала дека има рак. По операцијата на гласните жици и бил изваден бубрегот, но и два тумора од увото.
Тереза Кесевија се обидела и да си го одземе животот, а на оваа тема проговори само еднаш, и никогаш повеќе.
- Вистина е, се обидов да се самоубијам. Никогаш во животот не сакам да лажам. И кога бев мала не лажев за оценките, ниту кога добив единица. Човек се чувствува добро кога ја кажува вистината. Тоа се случи во Париз, ми беше многу тешко. Моето дете тогаш имаше три години... Немав преголема причина да си го скратам животот, мислам дека беше 1967 година. Лежев, ја гледав секоја линија на таванот, барав пајажина и ги собирав темните мисли. Како робот, скокнав и почнав да барам лекови. Тогаш бев страшно глупава, сега ми е смешно... Среќа што до вратата дојде моето дете, но јас веќе ги испив апчињата. Веднаш отидов во болница, за среќа таа беше во близина... – изјавила Кесовија.
Фото: Terezakesovija/Instagram
