Се сакаа 24 години, а тој денес сака друга: Данијела Мартиновиќ за прв пат проговори за раскинувањето со Петар Грашо
Убавата хрватска пејачка Данијела Мартиновиќ и нејзиниот колега Петар Грашо долго време важеа за еден од најскладните парови на јавната сцена, па неодамна сите беа изненадени од веста дека повеќе не се заедно и дека пејачот е во врска со ќерката на Тончи Хуљиќ.
Сплитската пејачка Данијела Мартиновиќ (50), поранешна членка на групата „Магазин“, веќе некое време не е со Петар Грашо (46) за што ниту тој ниту таа не се огласија за медиумите.
Набрзо се зборуваше дека пејачот по 24 години љубов со Данијела стапил во врска со Хана Хуљиќ (31), ќерка на пријател и соработник Тончи Хуљиќ (59), а парот наводно бил неразделен и бил виден како шета држејќи се за раце неколку пати, што подоцна потврдија и преку фотографии.
Иако ниту еден од актерите не беше многу зборлив на оваа тема, Данијела сега првпат го коментираше раскинувањето.
– Не можеш да го избегнеш моментот кој е неизбежен – изјави кратко пејачката за магазинот „Глорија“ и додаде дека врската со Петар Грашо е „убаво минато“.
Веста дека парот се раздели, прва ја потврди Мартина Подгорски, која е задолжена за комуникација на Грашо со медиумите.
- Точно е дека Данијела и Петар во последните месеци живеат на одвоени адреси и поради деловни проекти и поради одредени лични причини - истакна таа.
Пејачот и Хана Хуљиќ наводно се заљубени и често ги гледаат како заедно се шетаат во Загреб и Сплит.
И тој и неговата поранешна партнерка ја познаваат Хана цел живот, бидејќи се пријатели со нејзиниот татко Тончи. Згора на тоа, како девојче таа се појавува во спотот на Данијела Мартиновиќ, односно групата на нејзиниот татко „Магазин“, за песната „Дошло време“.
Петар Грашо и Данијела поминаа речиси две и пол децении заедно, а заедно живееја и во луксузен пентхаус во Загреб, каде пејачката и моментално живее.
извор:GLOSSY
