Шок трансформација на сопругата на Пирс Броснан: Трпеше навреди, тој ја обожува, а таа блеска покрај него
Пирс Броснан и Кили Шеј Смит блеснаа на премиерата на новата серија на актерот, а поранешната манекенка и актерка ја покажа својата нова фигура.
Холивудскиот шармер Пирс Броснан и неговата сопруга Кили Шеј Смит, привлекоа големо внимание на премиерата на серијата „MobLand“ во која славниот актер има главна улога.
Иако и двајцата изгледаа елегантно и впечатливо, поранешната манекенка и актерка привлече најголемо внимание - поради големата трансформација што ја покажа во краток црн фустан.
И двајцата беа складно облечени за црвениот тепих, а Кајли беше скоцкана во чипкаст црн мини фустан, додека Пирс беше во темносин костум. Тие со насмевка рекоа дека и по 24 години од нивниот брак се е во најдобар ред, а Кили ги маѓепса сите со својата нова фигура, многу послаба.
Како што пренесуваат некои странски медиуми, таа ослабела околу 45 килограми, па затоа и не чуди што беше ѕвезда на овој црвен тепих, а сите погледи беа вперени во неа.
Поранешниот Џејмс Бонд подоцна се појави на забавата со внуката Изабела Софија Смит (24), која неверојатно наликува на посвоената ќерка на Пирс, Шарлот, која почина во 2013 година по битка со рак на јајниците.
„Остави ја таа грда жена, најди позгодна“
Славниот пар зад себе има среќен брак кој трае веќе 24 години. Тие важат за еден од најхармоничните парови кои речиси никогаш не ги следеле скандали, а својата љубов и денес ја негуваат како и првиот ден, меѓутоа Пирс често бил мета на злонамерни коментари поради изгледот на неговата сопруга.
Кели Шеј Броснан, водителка и модел, е втората сопруга на познатиот актер, а заедно добија два сина - Дилан и Парис. Тие се запознале во 1994 година на плажа во Мексико и набрзо потоа започнале врска, а на 4 август 2001 година застанале пред олтарот.
Кили отсекогаш била позната како убавица, ги красела насловните страници на бројни списанија, додека сега често е мета на срамни коментари поради вишокот килограми. Остри реакции за нејзиниот изглед често се упатени кон актерот, кому му велат дека „треба да најде некоја позгодна“. Ова никогаш не го вознемирило, но тој одново и одново докажувал дека ја сака својата сопруга најмногу на светот.
ФОТО: Инстаграм
