Со здрави навики продолжете си го животниот век
Доколку ги практикуваат овие навики, жените можат да си го продолжат својот животен век за 14, а мажите за 12 години.
Тие пет навики се:
1. Здрава исхрана
2. Редовно вежбање
3. Одржување здрава телесна тежина
4. Ограничено пиење алкохол
5. Избегнување цигари
Ова го утврдиле истражувачите од „Харвард“.
Утврдено е дека луѓето кои живеат во склад со овие навики можат да го намалат ризикот од прерана смрт предизвикана од кардиоваскуларни заболувања за неверојатни 82% и го намалуваат ризикот да умрат од рак за 65%. Здравите поединци имаат 74% помал ризик од прерана смрт.
Истражувањето го направиле експерти кои 34 години собирале податоци од 78.865 американски жени и 27 години собирале податоци од 44.354 мажи. Резултатите покажале дека оние кои не пушат цигари, кои имаат здрав индекс на телесна маса и кои барем 30 минути дневно пешачат, се хранат здраво и конзумираат умерени количини алкохол, можат да влијаат на животниот век.
Ако 50-годишна жена ги практикува овие здрави навики, таа може да очекува да живее уште 43 години. Меѓутоа, ако ниту една од овие навики не е дел од нејзиното секојдневние, таа најверојатно ќе живее само 29 години.
За 50-годишен маж, здравите навики можат да додадат 38 години, во споредба со 26 ако не усвојат ниту една здрава навика.
