Сопругата мора да се грижи за бебето навечер, а јас морам да спијам бидејќи одам на работа: Татко го разбесни интернетот

По неговата кратка исповед, се нижат бројни коментари, а мислењата се поделени.

Еден татко започна дискусија за родителските обврски, откако призна дека побарал од сопругата да се грижи за бебето навечер, бидејќи е на породилно, а тој мора да работи.

Неодамна го сподели својот став на „Reddit“ и предизвика бројни коментари.

„Само ја замолив да се грижи за бебето во текот на ноќта тие 16 недели, додека јас спијам затоа што треба да одам на работа“, напиша тој и додаде:

„Јас ѝ реков дека целосно ќе ја преземам одговорноста откако ќе завршам со работа. Ќе правам сè, ќе готвам, ќе го чувам бебето... Уште повеќе за викендите кога немам проблем да останам до доцна, да станувам рано и неколку пати во текот на ноќта, да ѝ помогнам да се одмори“, објасни тој и откри дека на неговата сопруга не ѝ се допаѓа ова решение бидејќи смета дека поделбата не е еднаква.

Некои го осудија

Оваа објава предизвика бројни коментари, а многу од нив ја осудија.

„Што точно прави таа во текот на денот додека ти си на работа? Спие? Чувањето новороденче само во текот на денот е многу стресна работа. Станува и помагај ѝ навечер" - напиша еден корисник.

„Нека твојата сопруга дремне и нека се истушира. Тоа не значи дека си ѝ дал шанса да се одмори, туку само си ѝ дозволил да ги задоволи нејзините основни потреби. Сите мажи треба да го сфатат тоа", е следниот коментар, додека еден корисник беше малку погруб:

„Ова имплицира дека ви е поважно да се одморите бидејќи вашата работа е поважна од нејзината, а тоа е одвратно.“

Некои го поддржаа

Секоја приказна има две страни, па некои корисници ја поддржаа оваа објава.

„Ако преземете сè навечер и планирате да ја распоредите ноќта рамномерно кога ќе се врати и таа на работа, разумно е. Јас и мојот сопруг го направивме тоа и добро ни одеше. Сепак некои ноќи со новороденче се навистина тешки, а ако ѝ треба вашата помош, дури и емотивна, направете го тоа без да правите врева“, напиша друг корисник.

А какво е вашето мислење за неговиот предлог?

Извор: yumama.mondo.rs