Тиква во бременоста: 5 здравствени придобивки поради кои мора да ја консумирате
Богата е со витамини, минерали и антиоксиданти, а има малку калории
Тиквата е еден од најздравите плодови на природата. Тиквата, како и нејзините семки се полни со витамини и антиоксиданти кои се важни за бремените жени и фетусот во развој. Тиквата е соодветна храна за време на бременоста и важно е да се вклучи редовно во здравата исхрана во овој период.
Семките од тиква и тиквата може да придонесат за контрола на шеќерот во крвта, што е важно за спречување на гестациски дијабетес. Тие се корисни за работата на цревата и содржат голем број на хранливи материи важни за развојот на фетусот.
Кои се главните здравствени придобивки на тиквата и нејзините семки во бременоста?
1. Тиквата е одличен извор на минерали и витамини
Најважната причина за бремените жени да консумираат тиква и нејзини семки за време на бременоста е изобилството на витамини и минерали во нив. Бета-каротин на кој тиквата ја должи својата портокалова боја е потребна за синтеза на витамин А во организмот. Тоа е моќен антиоксиданс кој се бори против воспалението и слободните радикали.
Тиквата е добар извор на железо, што е особено важно за бремените жени бидејќи лесно се губи железото за време на бременоста.
Витаминот Ц во семките од тиква и тиквата придонесуваат за зајакнување на одбраната на имунолошкиот систем. Тиквата е исто така извор на антиоксиданти, витамин Б6, цинк, протеини.
Најдобрата вест е дека тиквата е малку калории и богата со растителни влакна, што е важно за контрола на тежината за време на бременоста.
2. Придонесува за контрола на шеќерот во крвта
Тиквата и нејзините семки помагаат во контролата на нивото на шеќер во крвта и инсулин за време на бременоста и воопшто, бидејќи содржат многу растителни влакна. Богатото присуство на растителни влакна и корисни јаглени хидрати го балансира и стабилизираат нивото на гликоза во крвта, додека ја подобрува чувствителноста на клетките на инсулин. Овој механизам придонесува за спречување на гестациски дијабетес.
3. Тиквата помага во варењето на храната
Тиквата е позната по својата способност да го забрза метаболизмот и да ја подобри подвижноста на цревата. Ова помага при секојдневно на цревата од токсините. Запек е вообичаен проблем за време на бременоста, а семките од тиква се добро решение за овој проблем.
4. Тиквата помага на здравјето на срцето
Потрошувачката на семки од тиква и тиквата за време на бременоста е корисна за срцето и кардиоваскуларниот систем, бидејќи е богата сорастителни влакна, антиоксиданти, витамини и калиум. Оваа комбинација на хранливи материи игра суштинска улога за здравјето на срцето и крвните садови, крвниот притисок и борбата против лошиот холестерол.
5. Тиквата помага за добар развој на фетусот
Семките од тиква и тиквата се добри за здравјето не само за мајката, туку и за бебето. Бета-каротин во тиквата придонесува за правилен развој на белите дробови, срцето, бубрезите, нервниот систем и крвните садови кај бебето.Железото во него помага да се пренесе доволно кислород до фетусот. Цинкот во тиквата е важен за развој на мозокот. Таа содржи и омега-3 масни киселини, кои се неопходни за централниот нервен систем на бебето.
Во студените денови тиквата ја има во скоро секоја продавнца, на пазар во пиљара. Искористете ги нејзините квалитети, здравите хранливи материи и целокупните здравствени придобивки за време и по бременоста.
