Уште еден тренд од 2000-тите се враќа, но овој не е толку омразен: Oваа пролет насекаде ќе видите балони - здолништа

Добивај вести на Viber

Кристијан Диор го претстави сатенскиот црвен балон фустан во 50-тите години, Лејди Ди го носеше во 1980-тите, а овој тренд повторно го зафати модниот свет на почетокот на 2000-тите - и сега повторно се враќа.

Ако нешто научивме, тоа е дека модните трендови секогаш се рециклираат. Поминавме низ фаза инспирирана од шеесетите, седумдесеттите и осумдесеттите години на минатиот век, а последните неколку сезони флертуваме со деведесеттите и 2000-тите. Откако деведесеттите не доведоа до минимализам и палета не - бои, 2000-тите се сосема спротивно.

Тоа беше време на ултра низок струк, интересни дезени, неонски и светли бои, капри панталони и туники. Тоа беше моден период кој често не сакаме да го паметиме, со парчиња кои со задоволство би ги забраниле. Но, исто така, тоа беше време кога модата беше многу поразиграна и поопуштена, поради што одредени парчиња се враќаат за да го разбијат крутиот минимализам од деведесеттите.

Одличен пример се здолништата со балони, односно фустаните. Овој интересен крој досега се појавил неколку пати, а се започнало во 1954 година кога Кристијан Диор претставил сатенски црвен фустан со балон кој брзо станал познат како еден од најубавите фустани за вечерни забави, пишува стилистката Аби Јанг.

Во 1980-тите, дури и принцезата Дијана го покажа својот ентузијазам за овој тренд, облечена во балон фустан со предимензионално палто со два реда копчиња, дополнително нагласувајќи го балон елементот на фустанот. Тоа е идеален пример за модата од осумдесеттите, со нагласени раменици, силен дезен и спојување на навидум некомпатибилни парчиња.

Во 2025 година носиме балон здолништа и фустани во многу поприкладни комбинации. Самиот крој е доволен сам по себе, па затоа го комбинираме со едноставни опции како обична бела кошула или тесна маичка која ќе го нагласи дизајнот на здолништето.