Утринско кафе со дизајнерот Филип Крстевски: Не ја кради инспирацијата, биди ти нечија инспирација

Добивај вести на Viber

Секој нов ден е нова СРЕЌА. Се будам и првото нешто што правам е кафе со доза на шмек. Моето кафе е малку необично .

Ставам кафе, малку мед, малку млеко и неколку капки цеден портокал. Овој рецепт го создадов сам бидеќи јас не сум јас ако конзумирам нешто што е стандардно.
Додека го пијам кафето инспирацијата ми оди преку раката со која творам на лист хартија. Творам утрински модни скици кои само за неколку часа стануваат реалност .

Рутината на утринско кафе е нешто што ме исполнува и е добар почеток на денот. Како и сите работи така и кафето има свој бенефит, дава енергија, која секако ми е повеќе од потребна, ако земеме предвид со каква професија се занимавам. Моето кафе е зачинето со неколку состојки како што веќе напоменав и има свој бенефит.

Моето прво утринско кафе го нарекувам моето утринско инспиративно кафенце. Инспиративно го нарекувам затоа што додека го пијам се инспирирам во делот на работните активности правење план и потполнување во текот на новиот прекрасен ден. И обврските кои нѐ чекаат во текот на денот.

Дополнителна енергија ми дава чаша полна витамини добро направено смути, притоа некоја утринска вежба со која што телото се опушта и ми дава енергија за исполнување на дневните обврски.

Мене реално ме мотивира сѐ што е со среќен крај. Исто така ме мотивираше кога ќе добиев убава оценка во текот на моите студии да се покажам во уште подобро светло. Од секогаш сум ја имал мотивацијата и инспирацијата во мене и од себе ја создавам сега. Не ја кради инспирацијата биди инспирација на некому тоа ми е клучниот збор.

Моите дневни планови вклучуваат креирање преку скицирање, но покрај тоа имам доста обврски и околу клиенти, нивните специфични барања, но доста време поминувам и со маркетинг кој секако е повеќе од потребен за да се промовираме како бренд.