Утринско кафе со Горан Папаз: Секојдневно ме мотивира син ми

Добивај вести на Viber

Секој ден ми започнува различно, најчесто утринското кафе го пијам на работа пред да почне наставата. За среќа имам одлични колеги со кои утринското кафе е вистинско уживање.

По завршувањето на работните обврски, поминувам време со фамилијата, свирам по неколку часови секој ден. Пчеларењето ми станува сериозно хоби последниве две години и кога имам време го посетувам пчеларникот.

Секојдневно ме мотивира син ми, и тоа е прашање на кое ќе имам ист одговор цел живот.

Денот ми завршува како и на секој млад човек, брзо „прелистување” по социјалните мрежи, краток план и организација за утрешниот ден, и сонот доаѓа.

Сакам книги повеќе од филм. Во последно време трилерите ми се хит, иако не ме прашавте, ќе ви кажам која книга ја прочитав последно, „Fahrenheit 451” - Ray Bradbury. Топло ја препорачувам.