Утринско кафе со Ива Спасовска: Вистинско уживање ми е кога разговарам со себеси

Денот ми почнува со многу вода, витамини, лимон и кафе, кое најчесто уживам да го пијам сама. Вистинско уживање ми е кога разговарам со себеси.

Секој ден ми е различен. Ми почнува релаксирано, па продолжувам во прекрасна атмосфера во моето атеље со мојот тим и со клиентките, па повторно некоја дружба со другари во кафуле или дискотека.

Последните години најмногу ме мотивираат луѓето кои ги инспирирам да бидат подобра верзија од себе. Поради нив имам желба секој ден да блескам се’ повеќе.

Честопати, многу ми значи да сум сама со моите две кучиња, Barbie и Princess, а уште повеќе ми значи кога имам до мене некој на кој срцето му пулсира во ист ритам со моето.

Преферирам и книги и филмови кои се исклучиво инспиративни. Фаворити од авторите, пак, ми се Ошо и Лујза Хеј.

* Ива Спасовска, дизајнерка