ВАЖНО: СЕ УКИНУВА бесплатниот превоз за возрасни лица, средношколци и студенти
Јавниот сообраќаен превоз - ЈСП Скопје на својот фејсбук профил објавија дека се укинува бесплатниот превоз за возрасни лица, средношколци и студенти, како мерка за заштита од коронавирусот.
Ви го пренесуваме текстот во целост:
„ Почитувани корисници на јавниот превоз,
Ве информираме дека од утре, четврток (12.03.2020 год), нема да важат бесплатните годишни средношколски и студентски билети за користење на јавниот превоз.
Времено, нема да важи и одлуката за бесплатен превоз за возрасни лица (жени со 62 год, мажи со 64 год) во вторник, петок, сабота и недела во јавниот превоз и на Жичарницата на Водно.
Укинувањето на бесплатниот превоз на посочената категорија корисници е согласно актуелната состојба со коронавирусот и препораките од надлежните институции за превенција и заштита од вирусот.
Одлуката е времена, ќе важи во наредните две недели, се до наредните препораки.“, пишува ЈСП.
