Ведрана Рудан за денешните родители: Денес секое дете има карактер - еднаш мојот внук го полив со ледена вода кога имаше „напад“ на карактер
Познатата хрватска писателка и колумнистка Ведрана Рудан
редовно ја заинтригира јавноста на
Балканот со контроверзни текстови, во кои не штеди критика на сметка на
современото општество и не се плаши да го употребува својот остар јазик секаде
каде што смета дека е потребно...
Рудан е мајстор за провокација, но во исто време со своите прецизни зборови и бескомпромисни ставови и тоа како знае да потресе поединец и да го натера да се запраша дали греши во нешто.
Овој пат познатата Хрватка на својот блог на публиката и понуди многу интересен текст во кој ги подбра денешните родители, а го пренесуваме во целост:
„Во какви луди времиња живееме? Секое дете има карактер, ниту еден родител нема.
Така велеше мојот син. Крешо се фрли на подот. Рече, се тркалаше по плочките во кујната, мавташе со рацете и нозете: „Крава, крава, крава, учителката е крава!“ Морам да се пофалам со вас, детето има десет години, а бројот на нозете му е четириесет и една. За роденден доби мобилен телефон. Чудовиштето чини седум илјади куни (околу 56.000 денари).
Му реков на татко му на внукот (на син ми): „Идиоте, син ти има тројка и двојка по математика, а ти му купуваш телефон“.
„Мамо!“
Сакаше да ми каже нешто, па застана. Тој има четириесет и четири години и висок е шест стапки, што не значи дека не сум му мајка. Родителите на Крешо не го гледаат својот син како невиден дивјак, тие мислат дека „детето има карактер“.
Денес сите деца имаат „карактер“. Затоа мајките и татковците се учители, затоа учителките се „крави“, затоа мама и тато ги праќаат „по ѓаволите“ кога тие, ретко, но сепак, им ги земаат мобилните од рака. Девојката на Креша се вика Амијанда, а се заедно две недели и три дена. Вчера го прославија тоа во пицеријата „Хапанџамаама“ (позната пицерија во Хрватска).
Таа носи само црн лак на нејзините нокти, зелен прамен во шишките, и розов до половина на нејзиниот грб. Амијанда, ми кажа нејзината мајка, исто така е „дете со карактер“. Сите оценки и се тројки, единица има по математика затоа што е „голем нервен хаос“, а наставникот е „во кулминација“. „Зар“, реков, „нивниот учител нема ни триесет години? „Госпоѓо, денес светот се врти побрзо“, ми рече мајката на Амианда.
Кога е малиот со нас, не се фрла на под, не зјапа во телефонот, си ја пишува домашната, сам си подготвува појадок. Еднаш, кога имаше напад на „карактер“ како двегодишно дете, го полив со ледена вода и го решивме тоа. Моите деца многу рано го изгубија „карактерот“ со помош на црпалка (кутлача). И ќерката и синот се во комуникација со мене и денес имаат две деца без карактер.
Фото: Youtube - screenshoot
Ведрана Рудан: „Животот го посветуваш на детето, а тoa тебе едвај еден ден“
