Војвотката Кејт со овој гест покажа колку ја сака Меган Маркл!
Кејт Мидлтон на кралската венчавка се појавила во очекувано елегантно издание, но она што на многумина има падна во очи е фактот што таа се појавила во истата комбинација веќе два пати досега.
Кејт за оваа прилика облекла едноставен светол фустан, дизајниран од страна на Александар Меквин, што го надополнила со голем шешир.
Иако некои луѓе ја обвиниле дека на венчавката се појавила во несоодветна бела боја, медиумите сепак објасниле дека фустанот е во бледожолта боја, но и дека Кејт се појавила два пати досега во него: во јули 2015 на крштевката на принцезата Шарлот и на кралската церемонија во јуни 2016.
Корисниците на Твитер сметаат дека војвотката го направила тоа намерно за да не одвлекува внимание од Меган на нејзиниот голем ден.
„Ова навистина е прекрасен гест. Нема што да се гледа тука, фокусирајте се на невестата“, коментирала новинарката Елизабет Холмс, а многумина се сложиле со неа, нарекувајќи ја Кејт вистинска дама.
Нешто слично направила и на венчавката на својата сестра Пипа во мај 2017, кога облекла едноставен розов фустан кој никому не му паѓал во очи.
