Времена промена на работното време на Триглав осигурување
Согласно Одлуката за изменување на одлуката за забрана и посебен режим на движење на територијата на Република Северна Македонија, донесена на 36-тата седница на Владата на Република Северна Македонија за забраната за движење на населението на територијата на целата држава, Триглав осигурување ја информира јавноста, дека сите деловни простории на Триглав Осигурување АД, Скопје, Триглав Осигурување Живот АД, Скопје и Триглав пензиско друштво АД Скопје почнувајќи од датум 08.04.2020 година ќе работат со времено изменето работно време секој работен ден од 09 часот до 13 часот.
Во насока на превенција и заштита, советуваат посети на нивните локации единствено доколку бараната услуга е навистина неодложна.
За сите Ваши потреби можете да ги контактирате нивните вработени на телефонските броеви и електронските адреси објавени на веб-страниците www.triglav.mk, www.triglavzivot.mk, triglavpenzisko.mk, коишто се исто така наведени во дописот подолу.
Сите услуги и производи на Триглав се целосно достапни, а вработените навремено ќе ги контактираат клиентите во врска со обновување на веќе склучените полиси. Сервисите, кои Триглав ги има за online обнова на полиси се целосно овозможени преку интернет страницата на Триглав Осигурување, www.triglav.mk.
