За време на бременоста докторите ги игнорирале симптомите, а сега има болест поради која органите и откажуваат: „Се надевам дека ќе останам жива“

Лекарите мислеле дека тоа се реакциите на телото по породувањето, а потоа таа не можела да го подигне бебето од креветчето...

Аманда Кенвин има 33 години, среќно мажена и има прекрасно машко бебе, но нејзиниот свет се превртел наопаку кога веднаш по бременоста и била дијагностицирана ретка болест. Станува збор за грануломатоза со полиангиитис (GPA), која предизвикува воспаление на крвните садови во носот, синусите, белите дробови, грлото и бубрезите.

Кога била во бременост, се појавиле првите симптоми, но биле забележливи и по породувањето. Лекарите и рекле дека тоа е нормално и дека наскоро ќе се чувствува подобро, бидејќи штотуку го родила своето прво дете.

На крајот, на Аманда и била дијагностициран GPA и оттогаш ѝ била вметната стаклена цевка во окото за да се обиде да го спречи формирањето на инфекцијата. На секои шест месеци имала и операција на душникот.

- Морав да ставам стаклени цевки во двете очи за да се обидам да ги спречам инфекциите. Трахеата ми е потесна и морам да одам на операција на секои шест месеци за повторно да ја отворам. Знам кога ми треба, бидејќи навистина ми останувам без здив, а не можам ни песна да испеам. Се нервирам, но ништо друго не може да се направи за мене – вели таа, пишува „The Sun“.

@mand1441 Fingers crossed treatment works soon! #vasculitis #gpa #treatment #fyp #viral original sound - ct_mcr

Таа наведува дека се започнало со силни главоболки, болки во зглобовите и големо гнојно воспаление на дојката. Ова се симптоми кои не ги загрижија лекарите, токму поради тоа што е нормално вашето тело да реагира на целата трансформација за време на бременоста и по породувањето, но и нејзините први тестови не укажаа на ништо што може да ги доведе експертите до оваа дијагноза.

Болката во синусите се засилила кога го родила Тоби, кој сега има две години.

- Се вратив кај лекарите, а тие постојано велеа дека тоа е резултат на породување и дека ќе помине, иако знаеја дека имам некои симптоми веќе во утробата. Се враќав назад секоја недела бидејќи чудни работи постојано се случуваа - имав болки во синусите и главоболки и не можев да го подигнам бебето од креветчето. Неколку пати го изгубив чувството во нозете, па мојот сопруг мораше итно да ме однесе во болница.

Имав прекрасна докторка која рече дека не знае што не е во ред со мене и ме праша дали може да добие мислење од колегите. Крвта ми се враќаше во нормала освен маркерите за инфекција. Потоа еден ден мојот пријател ми рече да го погледнам мојот нос, и тој беше целосно деформиран. Итно отидов на лекар, кога конечно ми ја констатираа дијагнозата - вели Аманда.

Бев целосно збунета, вели таа, особено кога и рекоа дека тоа е многу ретко и затоа никогаш не слушнале за тоа. Покрај можноста да и откажат органите, тоа и го нарушило менталното здравје.

- Загрижена сум дека ќе умрам. Што ќе се случи со мојот син? Доволно е што знам дека ќе го исмеваат на училиште поради мојот изглед, а сега не знам дали ќе останам жива - вели таа.

Аманда секојдневно се соочува со крварење од носот, хемотерапијата и стероидите и го деформирале лицето, бидејќи дијагнозата најмногу и го „напаѓа лицето“.

Фото: Принтскрин/ Тик ток
Извор: Оna.telegraf.rs