Зборовите кои децата никогаш нема да ги заборават!
Кога децата се мали, може погрешно да ги разберат зборовите што ги кажуваат родителите. Често советите или лекциите може да се разберат како навреди.
Родителите се оние кои секогаш мислат најдобро за своите деца и никогаш не сакаат да му наштетат на своето дете. Но, тие треба да бидат внимателни што им кажуваат на своите деца, особено во моменти на гнев и иритација.
Погрешно кажаниот збор може да биде погрешно протолкуван од детето и може негативно да влијае на неговиот иден развој како поединец.
Кога детето е на возраст од 10 до 17 години, родителите треба да внимаваат што им кажуваат. Тоа е период во кој тие сè уште не го нашле своето место во животот, а сеуште со трепет влегуваат во него. Треба да се запознаат себеси и да почнат да го запознаваат вистинскиот живот.
Зборовите како "никогаш нема да успееш" може да му нанесат трајна штета на идниот развој на детето. Мајките треба да обрнат посебно внимание на она што го кажуваат за децата, бидејќи децата секогаш се повеќе поврзани со нивните мајки. Ова не значи дека татковците не треба да се грижат за воспитувањето на нивните деца. Без разлика дали со зборовите кои сте ги изрекли сте сакале да ги мотивирате и да го натерате детето да се стреми кон повеќе, никогаш не му велете дека нема да се справи и нема да ги постигне своите цели.
Мотивирајте го, кажете му дека му верувате и дека ќе го стори тоа. Овие зборови ќе бидат запечатени во неговиот ум и секој пат кога ќе се соочи со тешкотии, ќе се обиде да ги оправда. Ако му кажете дека нема да успее, ќе го натерате да се чувствува дека не е доволно добар во твоите очи.
Восхитувајте им се на своите деца, дури и ако направиле нешто незначително, кажете им дека сте среќни за нивниот успех. Поддржете ги и љубете ги, така што ќе создадете чувство во детето дека може да се справи со сè. Сепак, секој мал чекор се подготвува за големиот скок.
