Жена борец, хуманистка, мајка, баба: Биба Додева денес слави роденден
Поп пејачката и претседател на здружението „Борка“ Биба Додева денес слави роденден.
Таа е родена на денешен ден во 1975 и денес полни 46 години.
Биба важи за една од најдобрите вокални интерпретаторки во Македонија, пејачка во буквална и вистинска смисла на зборот, жена борец, хуманистка, мајка, баба… и пред сѐ човек.
После неколку години повлекување од македонската музичка сцена, во септември минатата година Биба Додева со големиот музички проект “Незаборавни” се врати и продолжува онаму каде што застана.
„Мојот внук е мојата најголема поддршка. Долго време ме немаше со албум, и среќна сум што ова е првиот поп албум во оваа 2020 година. Подолго време немав желба и сила да запеам, но се сетив на мојата мајка која секогаш ми велеше дека треба да продолжам да пеам. Татко ми е тука, а мајка ми сигурно сега ме гледа од горе и се гордее што ја послушав. Продолжив да пеам поради неа, поради ќерка ми, татко ми, мојот внук, а заслужен за сево ова е мојот Баце Дојчин“, рече Биба пред пријателите при претставувањето на албумот.
Поетесата Ана Бунтеска по тој повод и посвети песна а и упати и интересна роденденска порака.
-Бибо да си среќна, насмеана, љубена, и да љубиш со сето свое срце...еден рој песни ти сакам и убавини. Среќен роденден душо моја сродна, да остариме заедно, некаде до 90 (ќе си се запознаваме секој ден, ти е гајле. Знаеш она „а ти која беше“!) . За многу години денов, бесценета да си ми“ и порача Бунтеска на Биба, а под постот објави и песна.
Те носам во мене
како песна од која гласов трепери
со ВИОЛИНА И ГИТАРА
под пенџере дојди ми КАКО НЕКОГАШ.
И се’ зад себе оставам
се’ што збор ми одзема
нека ја снема болката
нека оди ВО БЕСТРАГА.
Стравот ми го ситниш
и во мене се закотвуваш
та ме задеваш и велиш ТИ САМО ЗБОРИШ
и со ЕДЕН БАКНЕЖ ме замолчуваш.
Во чекорот будно ме следиш
и молкум крај мене одиш
низ СРЕБРЕНИ УЛИЦИ
кои се прелеваат од дождот
во спокој од кој СКОПЈЕ се буди.
И сакам да осамне ден
во кое силно ќе светне
нашето СОНЦЕ ЗА 3 СВЕТА
и ова ЕДНО СРЦЕ што во градиве бие
да ти шепне ЛАЖИ МЕ за љубов вечна.
Повикај ме нежно АНУШКА остани
да сме ти и јас еден до друг
во приказна без крај
како НЕОБИЧЕН КРУГ кој не завршува
со пој од ПТИЦА која на југ не заминува
и песни за љубов
песни НЕЗАБОРАВНИ.
Женски магазин и поскува да слави уште многу родендени.