Жена метеоролог водеше прогноза со тримесечната ќерка во раце: Ги освои срцата на гледачите

Американката, метеоролог Ребека Шулд, ги освои срцата на гледачите кога се појави на екранот да води временска прогноза со нејзината 13-недели стара ќерка Фиона, која ја држеше во раце. Ребека веќе се вратила на работа од породилно отсуство бидејќи во САД родителите можат да земат до шест или осум недели платено отсуство кога жената ќе се породи со царски рез.

Ребека Шулд, метеоролог во CBS 58 News во Милвоки, почна да работи по породилното отсуство, но прогнозира од подрумот на нејзиниот дом, кој е претворен во импровизирана телевизиска студија. Таа почна да работи од дома поради пандемијата, а сега се обидува да ја балансира работата од дома и да се грижи за мало бебе.

Појавувањето на малата Фиона на екранот не било планирано, а продуцентот на Ребека, Ник дошол на идеја непосредно пред програмата во живо. За време на пробата, Ребека ја зела во раце својата ќерка која штотуку се разбудила, а бебето на екранот го воодушевило продуцентот. Така, тримесечната Фиона го направи својот прв пренос во живо, а нејзината мајка не очекуваше дека нејзиното појавување во програмата ќе одекне толку многу.
-Таа е подготвена, има добро дебело ќебе за студот што доаѓа вечерва. Мислев дека може да ми помогне со временската прогноза за вечерва, што ќе биде прилично непријатно, рече водителката водејќи ја прогнозата додека го држеше своето мало девојче во раце.
Малото бебе на екраните им донесе радост на многумина, Ребека добива повици, мејлови, пораки на социјалните мрежи.

-Секогаш кога ќе направам прогноза сега, тие сакаат да го видат и моето бебе, вели таа. Појавата на Фиона на телевизија особено одекна меѓу родителите, чија рутина беше превртена наопаку во последните две години.

Во последните три месеци спиев вкупно околу 20 часа, вели Ребека Шулд и продолжува:

И жените и мажите се трудат да продолжат да работат, да се грижат за децата, да подготвуваат оброци и сè друго. Тоа е предизвик, но исто така е одлично.

Жената метеоролог на CBS 58 News го отвори патот за девојките кои сакаат кариера во науката, технологијата, инженерството и математиката, што е страст и на Ребека.

-Изгледа дека бев инспирација за младите жени кои се стремат да постигнат кариери на работни места кои претходно можеби не ги сметале за можни, изјави мајката на тримесечната Фиона, која преку ноќ стана телевизиска ѕвезда.