„Знаев дека ќе биде мое дете уште пред да се роди“: Сандра Булок го посвои синот кога имал три и пол месеци, еве како изгледа денес

Добивај вести на Viber

Познатата актерка Сандра Булок вчера е видена во Лос Анџелес со синот Луј кој има 14 години и кој го посвои како бебе, три и пол месеци по неговото раѓање. Таа претходно изјави дека на необичен начин претчувствувала дека тој ќе биде нејзино дете.

Интересно е што Сандра Булок ги однела децата, синот и ќерката на курс за шиење во Лос Анџелес. Синот Луј ја надмина по висина, а момчето на светот му го претстави во 2010 година со заедничка фотографија на насловната страница на People.

„Катрина се случи во Њу Орлеанс и знаев - нешто ми кажуваше дека моето дете е таму. Беше чудно... Тој е едноставно совршен, не можам да го опишам поинаку“, изјави таа за американскиот магазин за момчето кое го посвои во 2010 година.

Да потсетиме, ураганот Катрина се случи во 2005 година.

Подоцна открила дека Луј бил заљубен во готвењето и правењето коктели, секако без алкохол. Таа го опиша како многу мудар и љубезен, а не криеше дека и е предизвик да биде бела жена која одгледува црни деца, синот и ќерката Лејла. Таа отворено зборуваше со децата за расната неправда што постои во општеството.

Во емисијата Red Table Talk таа истакна дека се надева дека ќе докаже дека добро го воспитала својот син, како и дека успеала да ја зачува „духовната величина во него“ која веднаш ја препознала.

Рекла и дека одбила улога по совет на нејзиниот син, но и открила дека тинејџерот не гледа филмови во кои таа глуми затоа што повеќе сака филмски приказни за Спајдермен или јапонски анимации.

Сандра Булок, која неодамна се појави во јавноста со Киану Ривс, во 2015 година ја посвои ќерката Лејла, која како и нејзиниот брат е родена во Луизијана. Пред посвојувањето, девојчето живеело во насилно семејство, а Луј одиграл важна улога во тоа да стане член на семејството.

Актерката посетувала курсеви како да ги воспитува децата кои потекнуваат од згрижувачки семејства - процесот на приспособување не бил лесен, па девојката во одредени моменти знаела да се сокрие во плакарот. Пребродила се со нејзината мајка.

Додека Лејла одела во градинка, Сандра Булок постојано добивала повици од учителките, како и од Ченинг Тејтум, бидејќи девојчето не се согласувало со неговата ќерка Еверлин, но тие несогласувања биле решени.

Булок гордо истакнува дека нејзината ќерка е исклучително интелигентна и дека е убедена дека Лејла ќе стане претседателка на Америка, пишува People.