Женски Магазин Желби За 2018: Светлана Шајноска–Радоста, здравјето и убавините да царуваат

Добивај вести на Viber

2017 изминува, 2018 наголемо доаѓа. Помина година полна предизвици, грижи, реализирани очекувања, нереализирани надежи, нови љубови, завршени прикаски. За некои успешна, за некои помалку успешна, но како и секоја и оваа година што ја оставаме зад нас по нешто ќе ја паметиме. Тоа што е вистина е дека минатото е веќе засведочено како дел од нашето искуство што ќе остане забележано во вечната категорија живот.

Секогаш се надеваме дека грижите ќе станат историска категорија, а светлото од денот туку што не пристигнало. Желбите за подобро утре се насекаде околу нас. Безгрижните деца, насмевките на родителите, среќните баби и дедовци е сликата која сакам да доминира во годината што следува.

Животните соништа се едноставни. Зарем е премногу да побараме и очекуваме, повеќе здравје, љубов, гушкања, а помалку болести, немир и солзи. 2018 нека биде се она убаво што ни се случи во претходната година, засилена со сите досега нереализирани желби.

„Женски магазин“ е само капка во морето кое ги исполнува моите и вашите желби. Секојдневната дружба само ми потврдува дека и недостижното е достижно и невозможното е секогаш на дофат. Животните стории и „утринското кафе“ на нашите гостинки се слика и прилика дека за жената што знае што сака и како да сака, само небото е лимит.

На сите читателки и читатели на нај женскиот медиум, во новата 2018 им ги посакувам сите убавини на овој свет. Среќата, радоста, здравјето и убавините да царуваат и нашите сакани бескрајно да не милуваат :)

За Женски Магазин, Светлана Шајноска