Татковците со децата си играат поинаку, зборуваат поинаку. Нивните игри за децата се поинтерактивни, тие ги пуштаат децата да ги пробаат своите граници, а таквите деца стануваат посигурни луѓе во себе.
-Докажано е дека бебето веднаш по раѓањето го препознава гласот на мама, тоа е глас кој постојано го слушало, уште додека било во стомакот. Но, исто така е докажано дека бебето освен гласот на мама препознава уште еден, а тоа е гласот на тато. Бебето на татковиот глас се навикнува од 32 - недела од бременоста, па ако сакате вашето дете да има близок однос со таткото, пуштете го таткото да му зборува, уште додека е во стомакот-порачува Уницеф.
Истражувањата исто така покажале дека бебето мајката и таткото ги разликува по мирисот уште во првите денови. Затоа е важно тато да го носи, љуби и гали бебето уште од раѓањето, бидејќи наскоро и тој, како и мама ќе може да го утеши и смири новороденчето кое плаче, исто како и мама.
-Докажано е дека, децата во чиј развој подеднакво учествуваат двајцата родители, имаат подобар успех во школо, повеќе пријатели, љубовните врски им се стабилни, а еден ден и тие сами стануваат подобри родители-нагласува Уницеф.
Не заборавајте-секој момент е важен за развој на детето.
