Четири клучни трендови: Во овие комбинации ќе бидете најдобро облечена жена оваа пролет (ФОТО)

Фото насловна: Инстаграм/zinafashionvibe

Сите сме во некој срамежлив фазон, не се дружиме премногу, се надеваме на најдоброто и посакуваме пролет што ќе не инспирира. Па, немаме ништо подобро од овој момент, затоа се подготвуваме да „лизгаме“ во потоплите денови и да се обидеме да го задржиме расположението на завидно ниво.

Трендовите сè уште „играат“ околу удобното, пријатно и кул, но тие носат и малку заборавена елеганција и чувство дека навистина сме дотерани за да одиме некаде. Немаме идеја каде ќе одиме и дали ќе можеме да одиме каде било, но додаваме нови парчиња во плакарите.

Тренч мантил 

Па, тренч мантилот е, како што се очекуваше, темел на секоја пролетна гардероба, но оваа сезона тој пристигнува во никогаш поголемо издание и носи силна атмосфера на „Гаџет инспектор“. Тренч мантилот за 2021 година има должина до под коленото, широк е и всушност е џокерско решение за надградба на сите наши спортски комбинации со неизбежни патики. Ставете го тренч капутот над рамото и одеднаш сè има нова нота. Комбинирајте со него што и да ви падне на памет, од фустани до дуксери и качкети.

Бели панталони 

Фото: Инстаграм/tineandreaa 

Секоја есен си ветуваме дека белите панталони нема да завршат на дното на фиоката во текот на зимата и некако секоја зима немаме доволно храброст и волја да ги стилизираме соодветно. Па сега е време да ги извадиме на сонце! Мокасините или балетанките ќе бидат нивни совршен придружник и слободно мешајте ги со потемни бои и потешки материјали. Клучот е да постигнете рамнотежа и да не направите вашата облека да изгледа премногу летна.

Џемпер преку рамо 

Фото: Инстгарам/zinafashionvibe

Зборот што најчесто го слушаме во рана пролет? Слоевито. Слоевито. Слоевито! Тоа е совет што честопати го игнорираме во ентузијазмот и еуфоријата што нè обзема штом првото сонце светне. Но, ваквите модни смели совети обично завршуваат неславно. Затоа, погледнете ги инфлуенсерките на Инста и ставете џемпер над рамената. Покрај тоа што ќе изгледате кул, кога сонцето ќе зајде, ќе ви биде драго што го понесовте со вас.

Пачворк мантил

Фото: Инстгарам/zinafashionvibe

И која е вашата омилена боја? Ако одговорот е - сè! Земете си пачворк мантил направен од повеќе бои и материјал и така можете да ги имате сите принтови и бои што ви се допаѓаат на едно парче облека - истовремено. Многу винтиџ стил, многу седумдесетти. Додадете големи очила за сонце и подготвени сте да го освоите светот.

Фото: Инстаграм

Можеби ќе ве интересира: