Чувствувајте се убаво во тоа што го носите: За стилот со Асан Даутовиќ, менаџер на ресторан и пи-ар
Убаво е кога на улица ќе сретнеме убаво средена, дотерена дама. Стокмена од глава до пети, тоа секогаш мами погледи на случајните минувачи. Но уште позабележително за окото на случајниот набљудувач е кога еден господин, маж ќе се дотера и ќе се издвои од толпата и од она во кое сме навинкати да ги гледаме секојдневно посилните полови.
Па ако сте го сретнале Асан Даутовиќ сигурно не сте останале рамнодушни на неговиот необичен и пред се‘ префинет стил. Знае како што вели да се облече и минималистички, но и да ужива во хедонизам, а богами и во авангардно издание.
Тој е познат во јавноста како главен менаџер на познат ресторан, но и како лице за односи со јавноста на Националната организација на готвачи во Македонија „Гастро Мак“. Исто така Асан е и Првиот меѓународен судија во земјава од светската организација на готвачи во делот на послужувањето.
За Женски магазин од Дубровник, Хрватска каде присуствува на меѓународен натпревар ни одговори за стилот и брендовите.
*Дефиниција за стил?
- Дефиниција некоја за стил јас лично мислам дека нема. Стилот е всушност како убаво се чувствуваш.
*А, Вие стилски се дефинирате како...
- Јас стилски се дефинирам концентричен, различен, и пред се‘ слободен.
*Што е пресудно за добар стил?
- Пресудно... Па смелоста да облечеш некои парчиња и знаењето на носењето на самите.
*Комбинирате елегантно со спортско или сте камелеон во облекувањето?
- Секогаш комбиниран стилови.
*Минимализам, хедонизам, авангарда?
- Мислам дека се‘ практикувам.
*Гламур или класика?
- Гламурот ме влече повеќе но некогаш во ситуации мора и класика (се смее).
*Омилени нешта од вашата облека?
- Имам доста, но најомилена ми е лептир машната од филигран со мои иницијали и неколку парчиња од наша дизајнерка која што во последно време навистина ми олеснува со нејзините креации.
*Дали практикувате брендирана облека или не ви е пресудна етикетата?
- Не воопшто, јас навистина носам се‘.
* Што сакате да постигнете со вашиот стил?
- Аауууу... немам никакво очекување, едноставно и вистински убаво се чувствувам во тоа што го носам.
* Дали ако сте автентични, тоа значи и осудување од нашава средина?
- Да се случува и тоа некогаш имаш погледи чудно вперени во тебе, некогаш па и коментари кои не се баш вкусни но се‘ е тоа всушност различност во вкусовите нели...
* На кој дизајнер би му дозволиле да ти го преуреди гардероберот?
- Да , моментално тоа е нашата дизајнерка Катерина „Кали Росе“.
* Што облекувате денски, а што навечер?
- Па не можам да кажам дека имам некаква разлика, што и како ќе се чувствувам тој ден. Но заради работата што ја работам денски некако сум посмирен(се смее).
* Дали експериметирате со косата и шминката?
- Не косата што ја немам не дозволува да менувам и експериментиран, а шминка не користам(се смее).
* Ваши трикови за брз, но ефектен изглед .
- Само чувствувајте се убаво во тоа што го носите.
Наталија Миланова
ГАЛЕРИЈА:
