„Дајте ми нешто да се напијам, па носете ме во болница“: Брена за повредата во Загреб

Добивај вести на Viber

Српската пејачка Лепа Брена по несреќниот случај и падот во Арената во Загреб, при што беше приморана да ја прекине турнејата, гостуваше во Екстар ФМ и го најави нејзиниот шести концерт.

Брена ги откри деталите за повредата во Арена Загреб на нејзиниот трет концерт, а откри и дека Александра и Филип би можеле да добијат девојче...

Популарната пејачка Лепа Брена деновиве престојуваше во Загреб, каде го најави својот шести концерт во Арена, во рамки на нејзината актуелна турнеја, која ненадејно беше прекината пред два месеци поради несреќа која бараше итна операција.

- Тој момент се случи за време на концертот, додека седев под бината. Имаше лифт, долу, и обично кога седам на тоа место, се протегам. Имав среќа што не правев вежби за истегнување на рбетот кон подот, бидејќи во еден момент го забележав нашиот снимател како се враќа наназад и во тој момент помислив дека ќе падне. Не можев да знам дека ќе падне врз мене. Тој падна директно пред моите нозе, а болката беше неподнослива. Тогаш започна песната „Pazi kome zavidiš “. Кога снимателот се пресели, почувствував дека нешто е скршено. Додека седев и пеев, забележав дека ногата ми отекува, а ременот на сандалата почна да ме стега. И покрај тоа, не сакав да го прекинам концертот. Никој не смееше да дознае, а јас бев решена да издржам додека можам - изјави Брена на Екстра ФМ.

Сепак, пејачката била загрижена за состојбата на камерманот, а опишала и што се случило по завршувањето на концертот.

- Ги замолив да ми кажат што се случи со камерманот бидејќи бев многу загрижена за него. Тој е млад дечко, има само 25 години. Не ми се допаѓа кога нешто се случува со некој од мојот тим. Кога ми рекоа дека е добро, дека е само малку вкочанет, реков: „Дајте ми пијалак да се напијам, да се опуштам и однесете ме во болница“. По операцијата, кога се спушти адреналинот, ми дадоа нешто да се смирам бидејќи тоа беше голем шок. Речиси цел ден и ноќ спиев. Следниот ден конечно станав свесна што се случило и дека се можело да тргне наопаку, и за мене и за него - рекла таа.

Брена откри и како ја дознала веста за приновата во семејството на Александра Пријовиќ, сопругата на Филип Живојиновиќ.

- Јас и Боба бевме на пат кога бевме информирани. Морам да признаам дека и јас го очекував, бидејќи е логично и природно. Нема ништо поубаво на овој свет од тоа кога очекуваме уште еден член на нашето семејство. Секогаш велам дека во нашето семејство доаѓаат момчиња, но чувствувам дека овој пат би можеле да пречекаме преслатка девојка - изјави пејачката.