Дензел Вашингтон се крштеваше пред да наполни 70 години во Христијанска црква и стана свештеник: „Се исполнив со Светиот Дух“

Добивај вести на Viber

Дензел Вашингтон се крштеваше непосредно пред својот 70-ти роденден и стана свештеник на црковна служба во Њујорк. Сликите од таа церемонија направија бум на социјалните мрежи. Се огласи и познатиот актер.

Познатиот актер Дензел Вашингтон беше крстен во саботата во цркватаKelly Temple Church of God in Christ, во Харлем - Њујорк. Тоа е пентекостална црква, а пентекостализмот е една од протестантските харизматични религиозни групи во христијанството која го нагласува директното лично искуство со Бог преку крштевањето во Светиот Дух.

Службата се пренесувала во живо на Фејсбук, а актерот бил прикажан во бела наметка како е потопен во црковниот базен за време на чинот на крштевањето.

Вашингтон на 28 декември ќе наполни 70 години. „Ми требаше малку, но тука сум“, рече тој и зборуваше за необичен настан што го доживеал кога имал 20 години, кога во салонот за убавина на неговата мајка сретнал жена по име Рут Грин, која му рекла: „Момче, ќе патуваш низ светот и ќе им проповедаш на милиони луѓе“.

Црквата му дала дозвола да служи на помали верски церемонии, како што се свадби, и му било дозволено да биде ракоположен во иднина.

„Се чувствував како да ме подигнаа. Се чинеше како грбот да ми е заоблен и очите затворени. Не дека одев кон светлината, но - не можам точно тоа да го опишам. И зборв и зборев , затоа што бев исполнет со Светиот Дух“, изјави тој за Esquire минатиот месец за доживувањето на религиозно заживување во црква во Лос Анџелес во 1980-тите.

Во истото интервју тој алудираше на тешкотиите со кои се соочил отворено да зборува за својата вера во Холивуд. „Не можете така да зборувате и да освоите Оскар. Не можете така да зборувате и да одите на забави. Не можете да го кажете тоа во овој град... Тие не зборуваат за тоа во овој град. За тоа не се зборува... Не е модерно. Не е секси. Но, тоа не значи дека луѓето во Холивуд не веруваат“, пишува The Guardian.

На мрежите многумина му честитаат за оваа церемонија, а други прашуваат: „Дали досега не е крстен“, а некои констатираат иронично: „Се сети на време“.