Златко и Владимир хероите од Македонија за кои пишува цел Балкан: Ги лекуваа повредените во крвавиот божиќен напад во Магдебург
Медиумите од регионот со пофални зборови пишуваат за Македонците Златко и Владимир, кои ги лекуваа повредените во крвавиот божиќен напад во Магдебург.
Српски Курир со насловот Златко и Владимир ги спасија повредените во нападот!Амбасадата проговори за 2 херои од Магдебург: „Горди сме!“ , пишува за Македонците кои први ускокнале на помош на повредените.
„Македонската амбасада во Германија соопшти дека двајца македонски лекари Златко Станковски и Владимир Митевски, вработени во болницата во Магдебург, придонеле за лекување на жртвите од крвавиот напад на божиќниот базар во овој германски град.
- Горди сме на д-р Златко Станковски и д-р Владимир Митевски. Златко е прилепчанец, а Владимир од Радовиш. Тие работат како специјалисти за интерна медицина и интензивна нега во болницата Магдебург. Тие синоќа придонеле за спасување и лекување на погодените од трагедијата во Магдебург. Горди на нашата дијаспора – објави Амбасадата на Северна Македонија во Германија на својот Фејсбук профил“ пишува Курир.
Со свои текстови излегоа речиси сите медиуми од регионот, а кои пишуваа за двајцата лекари од Македонија.
Тука може да прочитате за нив.
Извор: Фактор
