Голема исповед на Никол Кидман: Ова биле последните збориви на нејзината почината мајка (ВИДЕО)
Американската актерка Никол Кидман призна дека сакала да се откаже од својата актерска кариера во 2008 година, откако ја родила својата прва ќерка, Сандеј, со музичарот Кит Урбан.
- Тогаш реков дека завршив со глумата, но мајка ми рече: „Не би се откажала целосно“. Чувајте ги опциите отворени. Само слушај ме. Продолжи да се движиш напред. Не велам дека треба да го правиш тоа на ниво на кое го правеше досега, но не би се откажала целосно“, изјавила 57-годишната актерка, која на крајот го следела советот на нејзината мајка.
Три години подоцна, таа ја доби својата трета номинација за Оскар за нејзината главна улога во филмот „Зајачка дупка“.
Тоа дошло од жена од генерација која ги немала можностите што ги имав јас, а која помогнала да создаде за своите ќерки. Така што тоа е веројатно нешто што сакала да го има кога била мала“, додаде Кидман за NBC News.
Мајка Џенел и беше голема поддршка на Никол во нејзината кариера. Таа почина во септември оваа година кога Кидман беше во Венеција за да ја прими наградата за најдобра актерка на Филмскиот фестивал, благодарение на нејзината улога во трилерот Babygirl. Актерката веднаш отпатува дома, а наместо неа наградата ја прими режисерката на филмот Халина Рејн која ја прочитала нејзината изјава.
- Во шок сум и морам да одам кај моето семејство, но оваа награда е за неа, таа ме обликуваше, ме водеше, ме создаде. Исклучително сум благодарна што преку Халина можам да го кажам нејзиното име на сите вас. Тежок е судирот на животот и уметноста, а срцето ми е скршено. Ве сакаме сите – напишала Никол.
Кидман се прослави во 1989 година кога го сними филмот „Денови на громот“ со Том Круз, а стана позната по улогата на Сузан Стоун Морето во филмот „Жена за која се умира“ од 1995 година. Никол беше номинирана пет пати за Оскар, а улогата на англиската писателка Вирџинија Вулф во филмот „Часовите“ и донесе Оскар за најдобра актерка.
Никол Кидман отворено проговори за загубата на нејзината мајка. Џенел Ен Кидман почина во септември, токму кога Кидман пристигна на филмскиот фестивал во Венеција. 57-годишната актерка минатиот викенд седна со новинарите на Си-би-ес за да разговара за тоа како се справува со тагата.
Таа ги сподели и последните зборови кои и ги кажала нејзината мајка.
„Последните зборови што ми ги кажа мајка ми, а јас не знаев дека ќе бидат нејзините последни зборови… Требаше да се качам во авионот и да се вратам да ја видам“, рекла Кидман. „И таа рече: „Успори малку, затоа што мислам дека сега треба да се грижиш за себе, Ники“.
„Затоа го правам тоа повеќе сега“, продолжи таа. „И тоа им го кажувам на другите луѓе, особено на жените. Мислам дека обично не се грижиме доволно за себе“.
Потоа се сети на зборовите кои и ги кажала баба и пред да почине: „Биди среќна“.
„Очигледно, јас сум постара мајка, па сакам да бидам долго време околу моите девојчиња“, рече Кидман. „Тие се неверојатни девојки и јас сум среќна што ги имам. Тоа што се грижам за себе значи дека можам да се грижам за нив“.
Фото: Инстаграм
Извор: Novosti.rs
Можеби ќе ве интересира
