ДИМИТАР УЖИВА СО СОПРУГАТА И СИНОТ: Ништо не е повредно од семејството
Пејачот Димитар Андоновски кој редовно настапува со „Тајфата“ конечно има слободен викенд за комплетно да му се посвети на семејството. Популарниот битолчанец ужива со сопругата и со синот во една позната винарија, а фотографијата која ја сподели на социјалните мрежи ги воодушеви неговите фанови.
- Среќен сум што ја имам Христина за жена затоа што во денешното модерно време кога сите вредности се изгубени реткост е, но и дар од Бог да имаш вистински човек покрај себе. Ја сакам нејзината едноставност и скромност и едноставно уживам во секој миг со неа.Му благодарам на Бога што ни го подари најпрекрасниот син на светов. Михаил комплетно ми го промени животот, се чувствувам исполнет, среќен и сфатив дека ништо друго не е благословено и повредно од семејството. Христина е многу посветена мајка и навистина покрај бројните обврски што ги има околу детето скоро дипломира на Филозофскиот факултет како историчар со највисок просек. Едноставно се гордеам со неа - изјави Димитар за „Женски Магазин“ пред неколку месеци.
