Едита имала тешко детство: Емотивно за брат ѝ кој починал на 21 година
Тага позади широката насмевка на пејачката Едита.
Пејачката се присети на најдобриот период од својот живот и рече дека нејзиниот брат имал Даунов синдром, и го загубил животот.
Пејачката Едита Арадиновиќ ја воодушеви милионската публика со својот талент и прекрасен глас. Таа е секогаш енергична на сцената, а насмевката на лицето скоро никогаш не ја симнува. Сепак, малкумина ја знаат нејзината животна приказна и колку тага се крие зад нејзината широка насмевка.
Имено, Едита имала многу тешко детство. Пејачката е родена како седмаче со само 1,5 килограми. Нејзината мајка носела близнаци, а нејзиниот брат за жал починал.
- Другото бебе беше момче и цел живот чувствувам дека не бев сама во стомакот на мајка ми.. Кога бев мала, постојано цртав портрети на кои имаше половина машка и половина женска фигура. Тогаш не знаев дека имам брат близнак. Открив кога имав 12 години - вели пејачката.
За Едита, 2005 година засекогаш ќе биде една од најтешките во нејзиниот живот, бидејќи тогаш го изгубила и својот постар брат, а во семејството имало несогласувања после тоа.
- Знаевме дека тоа ќе се случи, бидејќи мојот брат имаше тешка форма на Даунов синдром, а луѓето со овој проблем не живеат долго. Почина кога имаше 21 година, јас имав 11. Ни во тоа време, комуникацијата помеѓу мама и тато не беше најдобра. Честопати имаа кавги, па на крајот, за наша среќа, се разведоа. После тоа, нашите животи беа подобри за сите нас. Бидејќи разликата во годините меѓу сестра ми и мене беше голема, не можев да ја обвинам мајка ми што не ми посветува доволно внимание. На таа возраст, ми требаше разбирање, внимание, разговори што ги немав… Често имам чувство како товар на целиот свет на мојот грб… - рече меѓу другото пејачката за „Хит Информер“.
извор:24sedam.rs
