(ФОТО) Стилот на новата министерка за финансии: Препознатлива насмевка и минималистички комбинации

31-годишната Нина Ангеловска и официјално стана првата жена министер за финансии на нашата земја. Претходно на јавноста ѝ беше позната како основач на Grouper.mk и претседател на Асоцијацијата за е-трговија на Македонија.

За себе приватно, пред оваа нова етапа од нејзиниот живот, Ангеловска зборуваше за Женски Магазин.

Ако коментираме за стилот на новата министерска за финансии, која е постојано активна на социјалните мрежи, ќе забележиме дека станува збор за сосема едноставна девојка која преферира проверени бои и комбинации.

Нина во многу наврати и на многу настани покажа дека е спортски тип, па со оглед на тоа често може да ја видиме во спортски комбинации, било да се тоа хеланки и маичка или тренерки.

Често со својот партнер патува и истражува нови дестинации, каде рекреативно трчаат или возат велосипеди.

Кога треба да се појави на свечени настани, Ангеловска избира комбинација на кошула, панталони и сако, но неретко знае да облече и некој добро избран фустан или здолниште што прилега на нејзината витка линија.

Она што може да се забележи од фотографиите е дека таа сакоата знае да си ги износи со повеќе комбинации и за различни пригоди. Таков е примерот со ова модерно сако во мастилно сина или кралско сина боја.

Новата министерка за финансии за денешното преземање на управувањето со Министерството за финансии, избра нежна комбинација на сиво сако и бела кошула со црвени детали. 

Фото: Министерство за финансии

Нина е препознатлива по својата голема насмевка. Таа секогаш има минимална шминка, благо накршена руса коса и минимален накит.

Д.Караташова